syampj@live.com

സണ്ണി വക്കീലിന്റെ കയ്യിലും നില്‍ക്കുന്നില്ല; കെപിസിസി പുന:സംഘടന അനിശ്ചിതമായി വൈകുന്നു; നേതാക്കള്‍ കടുത്ത അതൃപ്തിയില്‍

syampj@live.com / September 29, 2025

കെപിസിസി പുന:സംഘടന അനിശ്ചിതമായി നീളുന്നതില്‍ പാര്‍ട്ടിയില്‍ കടുത്ത അതൃപ്തി. സെക്രട്ടറിമാരുടെ എണ്ണം കുറയ്ക്കാന്‍ ഗ്രൂപ്പുകള്‍ തയ്യാറാകാത്തിനെ തുടര്‍ന്നാണ് പുന:സംഘടന നീളുന്നത്. മുന്‍ പ്രസിഡന്റ്റ് സുധാകരനെപ്പോലെ സണ്ണി ജോസഫിനും പുന:സംഘടന മുന്നോട്ടുകൊണ്ടുപോകാന്‍ കഴിയാത്ത അവസ്ഥയിലാണ്. സ്ഥാനം ഏറ്റെടുത്ത് നാല് മാസം കഴിഞ്ഞിട്ടും പുന:സംഘടന പ്രഖ്യാപിച്ചിട്ടില്ല. പുന:സംഘടന നടക്കാതിരിക്കാനുള്ള കരുനീക്കവും ശക്തമാണ്. ഇതെല്ലാം കെപിസിസി അധ്യക്ഷന് മുന്നില്‍ തടസങ്ങള്‍ സൃഷ്ടിക്കുന്നുണ്ട്. തിരഞ്ഞെടുപ്പ് മുന്നില്‍ ഉള്ളതിനാല്‍ ലിസ്റ്റ് വൈകരുതെന്ന നിര്‍ദ്ദേശമാണ് കെപിസിസി അധ്യക്ഷനും മുന്നില്‍ ഉള്ളത്. സുധാകരനെ മാറ്റി പൊടുന്നനെ മാറ്റി സണ്ണി ജോസഫിനെ പ്രസിഡന്റാക്കിയപ്പോള്‍ ആദ്യ മുന്‍ഗണന കെപിസിസി പുന:സംഘടനയ്ക്ക് ആണെന്നാണ് സണ്ണി ജോസഫ് അറിയിച്ചത്. പുന:സംഘടന നടക്കാത്തതില്‍ ഗ്രൂപ്പുകളും നേതാക്കളും കടുത്ത അതൃപ്തിയിലാണ്. വിവിധ ഗ്രൂപ്പുകളുമായി ചര്‍ച്ച നടത്തി ജംബോ ലിസ്റ്റുണ്ടാക്കി സണ്ണി ജോസഫ് ഡല്‍ഹിയ്ക്ക് പോയെങ്കിലും ജംബോ ലിസ്റ്റ് ആയതിനാല്‍ അംഗീകാരം ലഭിച്ചില്ല. ലിസ്റ്റ് ചുരുക്കാന്‍ കേരളത്തിലേക്ക് മടങ്ങി. ഗ്രൂപ്പുകളുമായുള്ള ചര്‍ച്ചയില്‍ ധാരണയായില്ല. സെക്രട്ടറിമാരുടെ എണ്ണത്തിന്റെ കാര്യത്തില്‍ ഉള്‍പ്പെടെ ഇപ്പോഴും ചര്‍ച്ചകള്‍ നടക്കുകയാണ്. മുന്‍പ് എ-ഐ ഗ്രൂപ്പുകള്‍ മാത്രമാണ് ഉണ്ടായിരുന്നത്. അവര്‍ നല്‍കുന്ന ലിസ്റ്റ് ഒന്ന് ഷോട്ട് ചെയ്‌താല്‍ മതിയായിരുന്നു. ഇപ്പോള്‍ നേതാക്കള്‍ വിവിധ ഗ്രൂപ്പുകള്‍ക്ക് നേതൃത്വം നല്‍കുകയാണ്.ഇവരൊക്കെ സെക്രട്ടറിമാരെ നിര്‍ദ്ദേശിച്ചിട്ടുണ്ട്. 80പേരെ കെപിസിസി സെക്രട്ടറിമാരാക്കാം. എന്നാല്‍ 170 ഓളം സെക്രട്ടറിമാരുടെ ലിസ്റ്റാണ് നിലവില്‍ ഉള്ളതെന്നാണ് വിവരം. ഇത് ഹൈക്കമാന്‍ഡ് അംഗീകരിക്കില്ല. എന്നാല്‍ നോമിനികളെ വെട്ടാന്‍ നേതാക്കളും സമ്മതിക്കുന്നില്ല. സമവായത്തിനുള്ള ശ്രമമാണ് നടക്കുന്നത്. യൂത്ത് കോണ്‍ഗ്രസ് പ്രസിഡന്റ് സ്ഥാനവും ഒഴിഞ്ഞുകിടക്കുകയാണ്. ലൈംഗിക വിവാദത്തില്‍ കുടുങ്ങിയതിനെ തുടര്‍ന്ന് രാഹുല്‍ മാങ്കൂട്ടത്തില്‍ രാജിവച്ച് ഒരു മാസം കഴിഞ്ഞിട്ടും പുതിയ അധ്യക്ഷനെ നിയമിച്ചിട്ടില്ല. ഡിസിസി പുന:സംഘടനയും നടന്നിട്ടില്ല. ഇതിലും അതൃപ്തി നിഴലിക്കുന്നുണ്ട്. തൃശ്ശൂര്‍ ഒഴികെ എല്ലാ ഡിസിസികളിലും പുതിയ അധ്യക്ഷൻമാരെ കൊണ്ടുവരാനാണ് നീക്കം. എന്നാല്‍ എല്ലാവരെയും മാറ്റുന്നതില്‍ ചില നേതാക്കള്‍ എതിര് നില്‍ക്കുന്നുണ്ട്. അതുകൊണ്ട് അഭിപ്രായ ഐക്യം സാധ്യമായിട്ടില്ല. വയനാടിലെ നിരന്തരമായ വിവാദങ്ങള്‍ കാരണം നേതൃത്വത്തില്‍ നിന്നുള്ള നിര്‍ദേശത്തെ തുടര്‍ന്ന് ഡിസിസി അധ്യക്ഷന്‍ എന്‍.ഡി.അപ്പച്ചന്‍ കഴിഞ്ഞ ദിവസമാണ് രാജിവച്ചത്. തിരഞ്ഞെടുപ്പുകളില്‍ കോണ്‍ഗ്രസ് തോല്‍ക്കും എന്ന ശബ്ദസന്ദേശം പുറത്ത് എത്തിയതിനെ തുടര്‍ന്ന് തിരുവനന്തപുരം ഡിസിസി അധ്യക്ഷന്‍ പാലോട് രവിയും രാജിച്ചിട്ടുണ്ട്. ഇവിടെയൊക്കെ താത്കാലിക ചുമതല നല്‍കിയിരിക്കുകയാണ്. തദ്ദേശസ്വയം ഭരണ തിരഞ്ഞെടുപ്പ് മുന്നില്‍ നില്‍ക്കുന്നതിനാല്‍ ഡിസിസി അധ്യക്ഷന്മാരെ മാറ്റരുത് എന്ന നിര്‍ദ്ദേശവും മുന്നിലുണ്ട്. ഇതും ഡിസിസി പുന:സംഘടനയില്‍ പ്രശ്നങ്ങള്‍ സൃഷ്ടിക്കുന്നുണ്ട്. പത്ത് വര്‍ഷമായി പാര്‍ട്ടി അധികാരത്തില്‍ നിന്നും പുറത്തുനില്‍ക്കുകയാണ്. എന്നിട്ടും കാര്യങ്ങള്‍ നേരെ ചൊവ്വെ നീങ്ങാത്തതിന്റെ അതൃപ്തിയാണ് കോണ്‍ഗ്രസില്‍ നിന്നും മറനീക്കുന്നത്.

Bahrain

ബഹ്റൈനില്‍ പാസ്‌പോര്‍ട്ട് സേവനങ്ങള്‍ ഉള്‍പ്പെടെ ആറ് സര്‍ക്കാര്‍ സേവനങ്ങള്‍ ഇനി ഓണ്‍ലൈനിലൂടെ

syampj@live.com / March 12, 2025

മനാമ: പാസ്‌പോര്‍ട്ട് സേവനങ്ങള്‍ ഉള്‍പ്പെടെ ആറ് സര്‍ക്കാര്‍ സേവനങ്ങള്‍ കൂടി ഓണ്‍ലൈന്‍ വഴി ലഭ്യമാകുമെന്ന് ബഹ്‌റൈന്‍ ആഭ്യന്ത്ര മന്ത്രാലയം. പാസ്‌പോര്‍ട്ട് ഡേറ്റകള്‍ പുതുക്കല്‍, അപേക്ഷകളെ കുറിച്ചുള്ള അന്വേഷണം, പാസ്‌പോര്‍ട്ട് പുതുക്കുന്നതിനുള്ള അപേക്ഷകള്‍ റദ്ദ് ചെയ്യല്‍, വിദേശ നവജാത ശിശുക്കളുടെ രജിസ്‌ട്രേഷനുമായി ബന്ധപ്പെട്ട നടപടി തുടങ്ങി ആറ് സേവനങ്ങളാണ് ഉള്‍പ്പെടുത്തിയിരിക്കുന്നത്. രാജ്യത്ത് ഡിജിറ്റല്‍ സംരംഭങ്ങള്‍ വിപുലീകരിക്കുന്നതിന്റെ ഭാഗമായിട്ടാണ് ആറുസേവനങ്ങള്‍ കൂടി bahrain.bh എന്ന പോര്‍ട്ടല്‍ വഴി ആരംഭിച്ചത്. നിലവില്‍ പ്രഖ്യാപിക്കപ്പെട്ട ആറു സേവനങ്ങളും നാഷനല്‍ പാസ്‌പോര്‍ട്ട് റെസിഡന്‍സ് അഫയേഴ്‌സ് , ഇന്‍ഫര്‍മേഷന്‍ ആന്‍ഡ് ഇ-ഗവണ്‍മെന്റ് അതോറിറ്റിയുമായി സഹകരിച്ചാണ് നടപ്പാക്കിയത്. രാജ്യത്ത് താമസിക്കുന്ന എല്ലാവര്‍ക്കും ഉപയോഗിക്കാന്‍ കഴിയുന്ന തരത്തിലും കാര്യക്ഷമമാക്കുന്നതിനും വേണ്ടിയാണ് സര്‍ക്കാരിന്റെ സേവനങ്ങള്‍ ഓണ്‍ലൈന്‍ പോര്‍ട്ടലുകളിലേക്ക് മാറ്റിയത്.

Kuwait

ശമ്പളം ഏഴാം തീയതിക്കുള്ളിൽ നൽകണം; അല്ലെങ്കില്‍ കർശന നടപടിയെന്ന് കുവൈറ്റ് തൊഴിൽ മന്ത്രാലയം

syampj@live.com / March 12, 2025

കുവൈറ്റ് സിറ്റി: കുവൈറ്റിലെ ജീവനക്കാർക്ക് ശമ്പളം ഏഴാം തീയതിക്കുള്ളിൽ നൽകണമെന്ന് തൊഴിലുടമകൾക്ക് നിർദേശം നൽകി പബ്ലിക് അതോറിറ്റി ഫോർ മാൻപവർ. ശമ്പളം നൽകേണ്ട സമയത്തിന് ഏഴുദിവസം കഴിഞ്ഞ ശേഷവും ശമ്പളം നൽകാത്ത കമ്പനികൾക്കെതിരെ നിയമ നടപടി സ്വീകരിക്കുമെന്നും മുന്നറിയിപ്പില്‍ പറയുന്നു. തൊഴിൽ അതോറിറ്റിയുടെ സോഷ്യൽ മീഡിയ പ്ലാറ്റ്‌ഫോമുകളിൽ ഈ ആഴ്ച ആരംഭിച്ച ബോധവൽക്കരണ കാമ്പയിനിൻ്റെ ഭാഗമായാണ് ഈ മുന്നറിയിപ്പ്. 200ല്‍ അധികം തൊഴിലാളികള്‍ താമസിക്കുന്ന കെട്ടിടങ്ങളില്‍ പരിശീലനം നേടിയ നഴ്‌സിന്റെ മേല്‍നോട്ടത്തില്‍ പ്രഥമശുശ്രൂഷാ സൗകര്യം ഒരുക്കണം. തൊഴിലാളികളുടെ പാര്‍പ്പിട സ്ഥലം മറ്റ് ആവശ്യങ്ങള്‍ക്കായി ഉപയോഗിക്കരുത്. കെട്ടിടങ്ങളില്‍ ആവശ്യങ്ങള്‍ക്കായി ഉപയോഗിക്കരുത്. കെട്ടിടങ്ങളില്‍ ഭക്ഷ്യവസ്തുക്കള്‍ സംഭരിക്കുമ്പോള്‍ മാനദണ്ഡങ്ങള്‍ പാലിക്കണം. തൊഴിലാളികളുടെ താമസ സ്ഥലങ്ങളില്‍ അവരുടെ എണ്ണത്തിന് ആനുപാതികമായ അടിസ്ഥാന സൗകര്യങ്ങള്‍ ഉണ്ടായിരിക്കണം. കെട്ടിടത്തിന്റെ അറ്റകുറ്റപണികളും യഥാസമയം നടത്തേണ്ടതുണ്ട്.

Oman

റമദാനിൽ ജീവനക്കാരുടെ സുരക്ഷയും ആരോഗ്യവും ഉറപ്പാക്കണം; മാർഗനിർദേശം പുറപ്പെടുവിച്ച് ഒമാൻ തൊഴിൽ മന്ത്രാലയം

syampj@live.com / March 12, 2025

മസ്‌ക്കറ്റ്: റമദാന്‍ മാസത്തില്‍ തൊഴിലിടങ്ങളില്‍ ജീവനക്കാരും തൊഴിലുടമകളും ശ്രദ്ധിക്കേണ്ട കാര്യങ്ങളെ കുറിച്ച് മാര്‍ഗനിര്‍ദേശം പുറത്തിറക്കി തൊഴില്‍ മന്ത്രാലയം. ജീവനക്കാര്‍ക്ക് രാത്രിയില്‍ മതിയായ ഉറക്കം ലഭിക്കുന്നുവെന്ന് ഉറപ്പുവരുത്തുക, നാരുകള്‍ അടങ്ങിയ ഭക്ഷണം കഴിക്കുക, ഇഫ്താര്‍ സമയം കഫീന്‍, പഞ്ചസാര എന്നിവ അടങ്ങിയ പാനിയങ്ങള്‍ ഒഴിവാക്കുക തുടങ്ങിയ കാര്യങ്ങളാണ് മാർഗനിർദേശത്തിൽ പറയുന്നത്. നോമ്പില്ലാത്ത സമയങ്ങളില്‍ ജലാംശം നിലനിര്‍ത്താന്‍ ശ്രദ്ധിക്കണമെന്നും മാർഗനിർദേശത്തിൽ പറയുന്നു. ധാരാളം വെള്ളം കുടിക്കണം. തൊഴിലുടമകള്‍ നോമ്പുകാലത്ത് ജോലിക്ക് ഷിഫ്റ്റ് അനുവദിക്കണം. പുറം ജോലികളുടെ സമയം കുറയ്ക്കുകയും ജീവനക്കാരുടെ ശാരീരിക ക്ഷമത നിരീക്ഷിക്കുകയും ചെയ്യണം. പ്രഥമ ശുഷ്രൂഷയും അടിയന്തര ചികിത്സയും എളുപ്പത്തില്‍ ലഭ്യമാക്കുന്നതിനുള്ള സംവിധാനം ഒരുക്കണം തുടങ്ങിയ കാര്യങ്ങളും മാർഗനിർദേശത്തിലുണ്ട്. ജോലി സമയങ്ങളില്‍ എപ്പോഴും വ്യക്തഗത സംരക്ഷണ ഉപകരണങ്ങള്‍ ഉപയോഗിക്കണമെന്നും നിർദേശമുണ്ട്. ജീവനക്കാര്‍ അവരുടെ ആരോഗ്യ സ്ഥിതി, കഴിക്കുന്ന മരുന്ന് ഇവയെ കുറിച്ച് സൂപ്പര്‍വൈസര്‍മാരെ അറിയിക്കണം. ജോലി സ്ഥലത്തെ അപകടങ്ങളെ കുറിച്ച് ആവശ്യമായ മുന്‍കരുതല്‍ പ്രതിരോധ നടപടികളെ കുറിച്ചും ജീവനക്കാരെ ബോധവത്കരിക്കണം. ജീവനക്കാരുടെ മനാസികവും ശാരീരികവുമായ ക്ഷേമം ഉറപ്പുവരുത്തുന്നതിന് ജോലിസ്ഥലത്ത് സമ്മര്‍ദം കുറയ്ക്കുകയും ക്ഷീണത്തിന് സാധ്യതയുള്ള അനാവശ്യ യാത്രകള്‍ ഒഴിവാക്കുകയും ചെയ്യണമെന്നും മാര്‍ഗനിര്‍ദേശത്തില്‍ പറയുന്നു. തൊഴിലിടങ്ങളിലെ സുരക്ഷ ഉറപ്പുവരുത്തുക, പരിക്കുകള്‍ ഒഴിവാക്കുക തുടങ്ങിയ ലക്ഷ്യങ്ങളോടെയാണ് മാര്‍ഗനിര്‍ദേശം പുറത്തിറക്കിയിരിക്കുന്നത്.

Saudi Arabia

ആഗോള യൂത്ത് അംബാസിഡർ പ്രോഗ്രാമിലേക്ക് മലയാളി വിദ്യാർത്ഥിനിയും; ഇടംപിടിച്ചത് 100 പേരുടെ ലിസ്റ്റിൽ

syampj@live.com / March 12, 2025

ജിദ്ദ: യുഎൻ സുസ്ഥിര വികസന ലക്ഷ്യങ്ങൾ അടിസ്ഥാനമാക്കി പരിശീലിപ്പിക്കുന്ന യൂത്ത് അംബാസിഡർ പ്രോഗ്രാമിലേക്ക് തെരഞ്ഞെടുക്കപ്പെട്ട് ജിദ്ദയിലെ പ്രവാസി മലയാളി വിദ്യാർത്ഥിനി. മലപ്പുറം സ്വദേശി ഫെല്ല മെഹക്കിനെയാണ് തെരഞ്ഞെടുത്തിരിക്കുന്നത്. കൊണ്ടോട്ടി പേങ്ങാട് സ്വദേശി പാണിടകശാല ഹബീബിൻ്റേയും പറമ്പാടൻ ജസീനയുടേും മകളാണ് ഫെല്ല മെഹക്ക്. ലോകം നേരിടുന്ന പ്രശ്നങ്ങൾക്ക് പരിഹാരം കണ്ടെത്താൻ ആഗോള തലത്തിൽ 100 വിദ്യാർത്ഥികളെയും യുവജനങ്ങളേയും തെരഞ്ഞെടുക്കുന്നതാണ് യൂത്ത് അംബാസഡർ പ്രോഗ്രാം. തങ്ങൾ ജീവിക്കുന്ന സമൂഹങ്ങളിൽ ജനങ്ങൾ നേരിടുന്ന പ്രശ്നങ്ങളെക്കുറിച്ച് പഠിച്ച് ലോകത്തിൻ്റെ വിവിധ ഭാഗങ്ങളിൽ നിന്നും വരുന്ന യുവജനങ്ങളുമായി കൂടിച്ചേർന്ന് സുസ്ഥിര വികസനത്തിന് ആവശ്യമായ പ്രൊജക്ടുകൾ ചെയ്യുവാനുള്ള ഒരു വർഷത്തെ പരിശീലനത്തിനാണ് സ്കോളർഷിപ്പ് പദ്ധതിയിലൂടെ ഫെല്ല മെഹക്ക് അർഹത നേടിയിരിക്കുന്നത്. ഹാഷ് ഫ്യൂച്ചർ സ്കൂളിലെ എട്ടാം ക്ലാസ് വിദ്യാർത്ഥിനിയാണ് ഫെല്ല മെഹക്ക്.1000ത്തിലധികം അപേക്ഷകരിൽ നിന്നാണ് ഫെല്ലയെ തിരഞ്ഞെടുത്തത്. ഇൻ്റർവ്യൂവിലൂടെയും പ്രോജക്ട് പ്രസൻ്റേഷനിലൂടെയുമായിരുന്നു നൂറുപേരടങ്ങുന്ന ഫൈനൽ‌ ലിസ്റ്റിൽ ഫെല്ല സ്ഥാനം പിടിച്ചത്. പരിശീലനങ്ങൾ, വർക്ക് ഷോപ്പുകൾ, മെൻ്ററിങ്, ലീഡർഷിപ്പ് പരിശീലനം, പ്രൊജക്ട് വർക്ക് എന്നിവ അടങ്ങുന്നതാണ് ഒരു വർഷത്തെ പ്രോഗ്രാം. അക്കാദമിക് മേഖലകൾക്കപ്പുറം സംരംഭകത്വം, ബിസിനസ് വികസനം, ക്രിയാത്മകമായ പദ്ധതികൾ എന്നിവയിലൂടെ യുവാക്കളുടെ കഴിവുകൾ കണ്ടെത്തുകയും അവരെ പ്രോത്സാഹിപ്പിക്കുകയുമാണ് തൻ്റെ ലക്ഷ്യം എന്ന് ഫെല്ല പറഞ്ഞു.

Qatar

യാത്രക്കാരുടെ തിരക്ക് വര്‍ധിച്ചു; പ്രതിവാര സർവീസുകളുടെ എണ്ണം കൂട്ടി ഖത്തർ എയർവേസ്

syampj@live.com / March 12, 2025

ദോഹ: യാത്രക്കാരുടെ തിരക്ക് വര്‍ധിച്ചതോടെ കൂടുതല്‍ സര്‍വീസുകള്‍ പ്രഖ്യാപിച്ച് ഖത്തര്‍ എയര്‍വേയ്‌സ്. ഹമദ് അന്താരാഷ്ട്ര വിമാനത്താവളത്തില്‍ നിന്ന് ഷാര്‍ജ ഉള്‍പ്പെടെ 11 നഗരങ്ങളിലേക്കാണ് സര്‍വീസ് പ്രഖ്യാപിച്ചിരിക്കുന്നത്. 170ലേറെ സ്ഥലങ്ങളിലേക്ക് നിലവില്‍ ഖത്തര്‍ എയര്‍വേയ്‌സ് ദോഹയില്‍ നിന്ന് സര്‍വീസ് നടത്തുന്നുണ്ട്. വര്‍ധിപ്പിച്ച സര്‍വീസുകള്‍: ഷാര്‍ജ: ആഴ്ചയില്‍ 21 വിമാന സര്‍വീസുകള്‍ ഉണ്ടായിരുന്നത് 35 ആയി വര്‍ധിപ്പിച്ചു. ആസംറ്റര്‍ഡാം: ആഴ്ചയില്‍ ഏഴ് വിമാന സര്‍വീസുകള്‍ ഉണ്ടായിരുന്നത് 11 ആയി വര്‍ധിപ്പിച്ചു. ഡമാസ്‌ക്കസ്: ആഴ്ചയില്‍ മൂന്ന് സര്‍വീസുണ്ടായിരുന്നത് 14 ആയി ഉയര്‍ത്തി. ദര്‍ഇസ് സലാം കിളിമഞ്ചാരോ: ആഴ്ചയില്‍ മൂന്നായിരുന്നത് 14 ആയി വര്‍ധിപ്പിച്ചു. എന്റബ്ബി: ആഴ്ചയില്‍ ഏഴായിരുന്നത് 11 ആയി ഉയര്‍ത്തി. ലമാക്ക : ആഴ്ചയില്‍ ഏഴായിരുന്നത് 10 ആയി വര്‍ധിച്ചു. ലണ്ടന്‍ ഹീത്രു : ആഴ്ചയില്‍ 49 സര്‍വീസുണ്ടായിരുന്നത് 56 ആയി ഉയര്‍ന്നു. മഡ്രിഡ് : ആഴ്ചയില്‍ 14 ആയിരുന്ന സര്‍വീസ് 17 ആയി ഉയര്‍ത്തി. മാപുട്ടോഡര്‍ബന്‍ : ആഴ്ചയില്‍ അഞ്ചായിരുന്നത് ഏഴായി ഉയര്‍ത്തി. ടോക്കിയോ നരിത : ആഴ്ചയില്‍ 11 ആയിരുന്നത് 14 ആയി വര്‍ധിച്ചു. തുനിസ്: ആഴ്ചയില്‍ 10 ആയിരുന്നത് 12 സര്‍വീസുകള്‍ വരെ ഉയര്‍ത്തി. സർവീസുകളുടെ എണ്ണം കൂടിയതോടെ യാത്രക്കാർക്ക് സൗകര്യപ്രദമായ സമയം തിരഞ്ഞെടുക്കാനുള്ള ഓപ്ഷൻ കൂടിയാണ് ലഭിക്കുന്നത്. ഖത്തറിൽ നിന്ന് യൂറോപ്യൻ രാജ്യങ്ങളിലേക്ക് അവധിക്കാലം ആഘോഷിക്കാൻ പോകുന്ന പ്രവാസിൾക്ക് ഇത് ഏറെ പ്രയോജനകരമാണ്.

DISTRICT NEWS

സിം എടുക്കാൻ വരുന്നവരുടെ ആധാർ കാർഡ് ഉപയോഗിച്ച് വ്യാജ തിരിച്ചറിയൽ രേഖ നിർമ്മിക്കും; പ്രതികൾ പിടിയിൽ

syampj@live.com / March 12, 2025

കൊച്ചി: പെരുമ്പാവൂരിൽ വ്യാജ തിരിച്ചറിയൽ രേഖകൾ നിർമ്മിക്കുന്നവർ പൊലീസ് പിടിയിൽ. വ്യാജ തിരിച്ചറിയൽ രേഖ നിർമ്മിക്കുന്ന മൂന്ന് മൊബൈൽ കടകൾ പൊലീസ് കണ്ടെത്തി. സിം കാർഡ് എടുക്കാൻ വരുന്നവരുടെ ആധാർ കാർഡ് ഉപയോഗിച്ചാണ് പ്രതികൾ വ്യാജ തിരിച്ചറിയൽ രേഖ നിർമ്മിക്കുന്നത്. സംഭവത്തിൽ മൂന്ന് അതിഥി തൊഴിലാളികളെ പെരുമ്പാവൂർ പൊലീസ് അറസ്റ്റ് ചെയ്തു. പിടിയിലായ പ്രതികളെ പൊലീസ് വിശദമായി ചോദ്യം ചെയ്തു വരികയാണ്.

DISTRICT NEWS

കൃഷിയിടത്തിൽ നിന്ന് പെരുന്തേനീച്ചയുടെ കുത്തേറ്റു; ചികിത്സയിലിരിക്കെ ഗൃഹനാഥൻ മരിച്ചു

syampj@live.com / March 12, 2025

ഇടുക്കി: നെടുങ്കണ്ടത്ത് പെരുന്തേനീച്ചയുടെ കുത്തേറ്റ് ചികിത്സയിലിരിക്കെ ഗൃഹനാഥൻ മരിച്ചു. ആട്ടുപാറ സ്വദേശി സുബ്രഹ്മണി (69) ആണ് ഇന്ന് രാവിലെ നാലുമണിയോടെ മരിച്ചത്. ഈ മാസം ഒന്നിനായിരുന്നു സുബ്രഹ്മണിക്ക് പെരുന്തേനീച്ചകളുടെ കുത്തേറ്റത്. ഗുരുതരമായി കുത്തേറ്റ സുബ്രഹ്മണി ബോധരഹിതനായി നിലത്തുവീണു. ഇദ്ദേഹത്തെ രക്ഷിക്കാൻ ശ്രമിച്ച മറ്റ് നാലുപേർക്കും കുത്തേറ്റിരുന്നു. പ്രാഥമിക ചികിത്സയോടെ ഇവരുടെ നില പൂർവ്വസ്ഥിതിയിലായി. എന്നാൽ സുബ്രഹ്മണിയെ ആദ്യം നെടുങ്കണ്ടത്തെ സ്വകാര്യ ആശുപത്രിയിലും പിന്നീട് തമിഴ്നാട്ടിലെ വിവിധ ആശുപത്രികളിലും പ്രവേശിപ്പിക്കുകയായിരുന്നു. പോസ്റ്റ്മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടു നൽകും.

DISTRICT NEWS

കോട്ടയം മറവൻതുരുത്തിൽ മദ്യലഹരിയില്‍ യുവാവ് പുഴയിലേക്ക് കാര്‍ ഓടിച്ചിറക്കി

syampj@live.com / March 12, 2025

കോട്ടയം: കോട്ടയം തലയോലപ്പറമ്പിന് സമീപം മദ്യലഹരിയില്‍ യുവാവ് പുഴയിലേക്ക് കാര്‍ ഓടിച്ചിറക്കി. മറവന്‍തുരുത്ത് ആറ്റുവേലക്കടവില്‍ ഇന്ന് ഉച്ചയ്ക്ക് ഒരു മണിയോടെയാണ് സംഭവം. വടയാര്‍ മുട്ടുങ്കല്‍ സ്വദേശിയായ യുവാവാണ് മദ്യലഹരിയില്‍ കാര്‍ പുഴയിലേക്ക് ഓടിച്ചിറക്കിയത്. കടവിലെ കടത്തുകാരന്‍ കാറിന്റെ ഡോര്‍ തുറന്ന് യുവാവിനെ രക്ഷിച്ചതിനാല്‍ ആളപായമുണ്ടായില്ല. സംഭവം അറിഞ്ഞ് പ്രദേശവാസികള്‍ ഇവിടേയ്ക്ക് എത്തി. ഇവര്‍ വിവരമറിയിച്ചതിനെ തുടര്‍ന്ന് തലയോലപ്പറമ്പ് പൊലീസ് സ്ഥലത്തെത്തി യുവാവിനെ കസ്റ്റഡിയില്‍ എടുത്തു.

DISTRICT NEWS

ആലപ്പുഴയില്‍ ട്രെയിന്‍ തട്ടി രണ്ട് പേര്‍ മരിച്ച നിലയില്‍; ജീവനൊടുക്കിയതെന്ന് സംശയം

syampj@live.com / March 12, 2025

ആലപ്പുഴ: രണ്ട് പേര്‍ ട്രെയിന്‍ തട്ടിമരിച്ച നിലയില്‍. സ്ത്രീയും പുരുഷനുമാണ് മരിച്ചത്. ആലപ്പുഴ റെയില്‍വെ സ്റ്റേഷന് സമീപം പുലര്‍ച്ചെ 3:00 മണിയോടെയാണ് സംഭവം. അരൂക്കുറ്റി സ്വദേശി സലിംകുമാറിനെ തിരിച്ചറിഞ്ഞു. സ്ത്രീയെ തിരിച്ചറിഞ്ഞിട്ടില്ല. ട്രാക്കിന് സമീപത്തുനിന്ന് ഇവര്‍ എത്തിയ ബൈക്ക് കണ്ടെത്തിയിട്ടുണ്ട്. ആത്മഹത്യ എന്നാണ് പ്രാഥമിക നിഗമനം. മാവേലി എക്‌സ്പ്രസിലാണ് തട്ടിയത്. മൃതദേഹങ്ങള്‍ വണ്ടാനം മെഡിക്കല്‍ കോളേജിലേക്ക് മാറ്റിയിട്ടുണ്ട്.

DISTRICT NEWS

കൊല്ലത്ത് വൻ ലഹരി വേട്ട; 90 ഗ്രാം ക്രിസ്റ്റൽ എംഡിഎംഎയുമായി യുവാവ് പിടിയിൽ

syampj@live.com / March 12, 2025

കൊല്ലം: നഗരത്തിൽ വൻ ലഹരി വേട്ട. 90 ഗ്രാം ക്രിസ്റ്റൽ എംഡിഎംഎയുമായി യുവാവ് പിടിയിലായി. ഉമയനല്ലൂർ പാറക്കുളം സ്വദേശി ഷിജുവാണ് പിടിയിലായത്. ഡൽഹിയിൽ നിന്ന് വിമാനമാർഗം കേരളത്തിലെത്തിച്ച എംഡിഎംഎയാണ് പിടികൂടിയത്. ഈ വർഷം ജില്ലയിൽ നിന്ന് പിടികൂടുന്ന ഏറ്റവും കൂടുതൽ അളവാണ് ഇതെന്ന് സിറ്റി പൊലീസ് കമ്മീഷണർ കിരൺ നാരായണൻ റിപ്പോർട്ടറിനോട് പറഞ്ഞു.

DISTRICT NEWS

തിരുവനന്തപുരത്ത് സ്കൂൾ പരിസരത്ത് കഞ്ചാവ് വിൽപ്പന; ഓടി രക്ഷപ്പെട്ട പ്രതിയെ പിടികൂടി പൊലീസ്

syampj@live.com / March 12, 2025

തിരുവനന്തപുരം: സ്കൂൾ പരിസരത്ത് കഞ്ചാവ് വിൽപ്പന നടത്തിയ യുവാവ് പിടിയിൽ. മംഗലപുരം മുല്ലശ്ശേരി സ്വദേശി അനു നായർ (27) ആണ് പിടിയിലായത്. സ്കൂൾ വിടുന്ന സമയം കഞ്ചാവുമായി വില്പനയ്ക്കെത്തിയതായിരുന്നു പ്രതി. പൊലീസിനെ കണ്ടതോടെ ഇയാൾ ഓടി രക്ഷപ്പെട്ടെങ്കിലും പിന്നീട് ഇയാളെ പിടികൂ‌ടുകയായിരുന്നു. ഇയാളിൽ നിന്നും പൊലീസ് ചെറിയ അളവിൽ കഞ്ചാവ് കണ്ടെടുത്തു. ബാക്കി കഞ്ചാവ് അനു നായർ ഒളിപ്പിച്ചു വച്ചിട്ടുണ്ടാകുമെന്ന് പൊലീസ് പറഞ്ഞു. പ്രതിയെ നാളെ കോടതിയിൽ ഹാജാക്കും.

INDIA

സ്റ്റാലിന് എതിർപ്പ് ഉന്നയിക്കാൻ സ്വാതന്ത്ര്യമുണ്ട്; തമിഴ്നാട്ടിലും കേരളത്തിലുമെല്ലാം സീറ്റുകൾ കൂടും

syampj@live.com / March 11, 2025

ന്യൂഡൽഹി ∙ രാജ്യത്ത് മണ്ഡല പുനർനിർണയം നടക്കുന്നതോടെ കേരളവും തമിഴ്നാടും അടക്കമുള്ള സംസ്ഥാനങ്ങളിലെ നിയമസഭയിലേക്കും ലോക്സഭയിലേക്കുമുള്ള സീറ്റുകളുടെ എണ്ണം വർധിക്കുമെന്നാണ് വിശ്വാസമെന്ന് കേന്ദ്ര പ്രതിരോധമന്ത്രി രാജ്നാഥ് സിങ്. ദക്ഷിണേന്ത്യയിൽ നിയമസഭാ–ലോക്സഭാ സീറ്റുകളുടെ എണ്ണം കുറയുമെന്ന് തമിഴ്നാട് മുഖ്യമന്ത്രി എം.കെ. സ്റ്റാലിനടക്കം പറഞ്ഞതിന് പിന്നാലെയാണ് രാജ്നാഥ് സിങ്ങിന്റെ പ്രതികരണം. ‘‘മണ്ഡല പുനർനിർണയം ആസൂത്രണം ചെയ്തതു പോലെ നടക്കുമെന്ന് ഞാൻ പ്രതീക്ഷിക്കുന്നു. എം.കെ. സ്റ്റാലിന് എന്തെങ്കിലും എതിർപ്പുകൾ ഉണ്ടെങ്കിൽ, അദ്ദേഹത്തിന് അവ ഉന്നയിക്കാൻ സ്വാതന്ത്ര്യമുണ്ട്. ബന്ധപ്പെട്ട അധികാരികൾ ഈ വിഷയത്തിൽ ചർച്ച ചെയ്യും, ജുഡീഷ്യറിയാണ് അന്തിമ തീരുമാനം എടുക്കേണ്ടത്. നിയമസഭയായാലും ലോക്‌സഭയായാലും, എല്ലാ സംസ്ഥാനങ്ങളിലും അതിർത്തി നിർണയത്തിന് ശേഷം സീറ്റുകളുടെ എണ്ണം സ്വാഭാവികമായും വർധിക്കുമെന്ന് ജനങ്ങൾക്ക് ഉറപ്പുണ്ടായിരിക്കണം. തമിഴ്‌നാട്, ആന്ധ്രാപ്രദേശ്, കർണാടക, കേരളം എന്നിവിടങ്ങളിലും വർധനവുണ്ടാകുമെന്ന് ഞാൻ ഉറച്ചുവിശ്വസിക്കുന്നു. വടക്കേ ഇന്ത്യയ്ക്ക് മാത്രമേ പ്രയോജനം ലഭിക്കൂ എന്ന അവകാശവാദം ന്യായീകരിക്കാനാവില്ല’’ – രാജ്നാഥ് സിങ് പറഞ്ഞു. മണ്ഡല പുനർനിർണയത്തെ എതിർക്കാൻ എം.കെ. സ്റ്റാലിൻ ഏഴ് മുഖ്യമന്ത്രിമാർക്ക് കത്തെഴുതി ഒരു ദിവസത്തിന് ശേഷമാണ് രാജ്‌നാഥ് സിങ്ങിന്റെ പ്രസ്താവന എന്നതാണ് ശ്രദ്ധേയം. കേന്ദ്ര നടപടി രാജ്യത്തിന്റെ ഫെഡറലിസത്തിനു നേർക്ക് നടക്കുന്ന ആക്രമണമാണെന്നു തുറന്നടിച്ചാണ് സ്റ്റാലിൻ 7 മുഖ്യമന്ത്രിമാർക്ക് കത്തയച്ചത്. മാർച്ച് 22ന് ചെന്നൈയിൽ വച്ച് നടക്കുന്ന ചർച്ചയിലേക്കാണ് മുഖ്യമന്ത്രിമാരെ ക്ഷണിച്ച് സ്റ്റാലിൻ കത്തയച്ചിരിക്കുന്നത്. 7 മുഖ്യമന്ത്രിമാർക്കു പുറമെ ഈ സംസ്ഥാനങ്ങളിലെ വിവിധ പാർട്ടി ഭാരവാഹികളെയും യോഗത്തിലേക്ക് ക്ഷണിച്ചിട്ടുണ്ട്. കേന്ദ്ര നടപടിയെ ചെറുക്കാൻ എല്ലാവരെയും ഉൾപ്പെടുത്തി ജോയിന്റ് ആക്ഷൻ കമ്മിറ്റിക്കു രൂപം നൽകാനാണ് സ്റ്റാലിന്റെ നീക്കം. കേരള മുഖ്യമന്ത്രി പിണറായി വിജയൻ, കർണാടക മുഖ്യമന്ത്രി സിദ്ധരാമയ്യ, ആന്ധ്രപ്രദേശ് മുഖ്യമന്ത്രി എൻ.ചന്ദ്രബാബു നായിഡു, തെലങ്കാന മുഖ്യമന്ത്രി രേവന്ത് റെഡ്ഡി, ഒഡീഷ മുഖ്യമന്ത്രി മോഹൻ ചരൺ മാജി, പഞ്ചാബ് മുഖ്യമന്ത്രി ഭഗവന്ത് മാൻ, ബംഗാൾ മുഖ്യമന്ത്രി മമതാ ബാനർജി എന്നിവർക്കാണ് കത്ത് അയച്ചിരിക്കുന്നത്. ഇതിൽ ചന്ദ്രബാബു നായിഡുവും മോഹൻ ചരൺ മാജിയും എൻ‍ഡിഎ മുഖ്യമന്ത്രിമാരാണ്. കേന്ദ്രസർക്കാർ ഹിന്ദി അടിച്ചേൽപ്പിക്കുന്നുവെന്ന് ആരോപിച്ച് ഡിഎംകെ ശക്തമായ പ്രതിഷേധ പരിപാടികൾ നടത്തുന്നതിനിടെയാണ് മണ്ഡല പുനർനിർണയ വിഷയത്തിലും സ്റ്റാലിൻ‍ പ്രതിരോധം ഉയർത്തുന്നത്.

KERALA

സ്വകാര്യ ഭൂമി ഏറ്റെടുക്കില്ല; വിഴിഞ്ഞം തുറമുഖത്തിന്റെ വികസനത്തിന് ഭൂമി കണ്ടെത്തുക കടൽ നികത്തി

syampj@live.com / March 11, 2025

തിരുവനന്തപുരം∙ വിഴിഞ്ഞം രാജ്യാന്തര തുറമുഖത്തിന്റെ രണ്ടാംഘട്ട വികസനത്തിനായി ഭൂമി കണ്ടെത്തുന്നതു കടല്‍ നികത്തിയായിരിക്കുമെന്നു തുറമുഖ കമ്പനി അറിയിച്ചു. സ്വകാര്യ ഭൂമി ഏറ്റെടുക്കില്ല. വികസനത്തിന്റെ ഭാഗമായി കണ്ടെയ്നര്‍ ടെര്‍മിനല്‍ 1,200 മീറ്റര്‍ കൂടി ദീര്‍ഘിപ്പിച്ച് ആകെ 2000 മീറ്റര്‍ ആക്കും. ഇതിന്റെ ഭാഗമായി, 30 ലക്ഷം ടിഇയു വരെ വാര്‍ഷിക ശേഷിയുള്ള കണ്ടെയ്നര്‍ യാര്‍ഡ് നിര്‍മിക്കാൻ ആവശ്യമായ 77.17 ഹെക്ടര്‍ ഭൂമിയാണ് ഡ്രെജിങ്ങിലൂടെ കടല്‍ നികത്തി കണ്ടത്തുക. ആദ്യഘട്ടത്തില്‍ തുറമുഖ നിര്‍മാണത്തിനായി 63 ഹെക്ടര്‍ ഭൂമി കടല്‍ നികത്തി വികസിപ്പിച്ചിരുന്നു. വിഴിഞ്ഞം തുറമുഖത്തിന്റെ രണ്ടും മൂന്നും ഘട്ടങ്ങള്‍ക്കു പാരിസ്ഥിതിക അനുമതി ലഭിച്ചതായി മന്ത്രി വി.എന്‍.വാസവന്‍ അറിയിച്ചിരുന്നു. രണ്ടും മൂന്നും ഘട്ട വികസനത്തിന്റെ ഭാഗമായി കണ്ടെയ്‌നര്‍ ടെര്‍മിനല്‍ 1,200 മീറ്റര്‍ നീളത്തിലേക്ക് വിപുലീകരിക്കും. ബ്രേക്ക് വാട്ടറിന്റെ നീളം 900 മീറ്റര്‍ കൂടി വര്‍ധിപ്പിക്കും. 2028ല്‍ ദക്ഷിണേന്ത്യയിലെ തന്നെ ഏറ്റവും കൂടുതല്‍ സ്ഥാപിത ശേഷിയുള്ള കണ്ടെയ്‌നര്‍ ടെര്‍മിനല്‍ ആയി വിഴിഞ്ഞം രാജ്യാന്തര തുറമുഖം മാറുമെന്നും മന്ത്രി പറഞ്ഞു. തുറമുഖത്തിന്റെ രണ്ടും മൂന്നും നാലും ഘട്ടങ്ങളുടെ വികസനത്തിനായി 10,000 കോടി രൂപയുടെ ചെലവാണു പ്രതീക്ഷിക്കുന്നത്.

WORLD

ട്രംപിന്റെ മണ്ടത്തരങ്ങൾ!ലോകം സാമ്പത്തിക മാന്ദ്യത്തിലേക്ക്, ലോകം മുഴുവൻ വിപണികൾ ഇടിഞ്ഞു

syampj@live.com / March 11, 2025

ട്രംപിന്റെ നയങ്ങൾ അമേരിക്കയേയും ലോകത്തേയും തിരിഞ്ഞ് കുത്തുന്നു.ലോകം ഇന്നുവരെ കാണാത്ത സാമ്പത്തിക മാന്ദ്യത്തിലേക്ക് എന്ന് റിപോർട്ടുകൾ മാന്ദ്യം പൊട്ടി പുറപ്പെടുക അമേരിക്കയിൽ നിന്നായിരിക്കും എന്നും ആദ്യം വിപണി തകരുക അമേരിക്കയുടേതാകും എന്നും കണക്കുകൂട്ടുന്നു. ഫെബ്രുവരിയിലെ ഏറ്റവും ഉയർന്ന നിരക്കിൽ നിന്ന് എസ് & പി 500 സൂചിക 8 ശതമാനത്തിലധികം ഇടിഞ്ഞു. ലോകമെമ്പാടുമുള്ള ഓഹരി വിപണികൾ കുത്തനെ ഇടിഞ്ഞു. ന്യൂയോർക്കിൽ, ടെക്-ഹെവി നാസ്ഡാക്കിൽ 2022 ന് ശേഷമുള്ള ഏറ്റവും മോശം ദിവസമാണ് ഉണ്ടായത്, 4 ശതമാനം ഇടിഞ്ഞ് ആറ് മാസത്തെ ഏറ്റവും താഴ്ന്ന നിലയിലെത്തി.വാൾ സ്ട്രീറ്റിൽ വൻ വിറ്റഴിക്കൽ നടക്കുകയാണ്‌. ഓഹരികൾ വിറ്റഴിക്കാൻ പരക്കം പായുന്ന കാഴ്ച്ചയായിരുന്നു വാൾ സ്ട്രീറ്റിൽ ഉണ്ടായത് ഇന്ത്യ മെക്സിക്കോ, കാനഡ, ചൈന എന്നിവയുമായുള്ള ട്രം പിന്റെ വ്യാപാര തിരുവ മൽസരത്തിൽ അമേരിക്കക്ക് അടി പതറുന്ന കാഴ്ച്ചയാണ്‌ കാണുന്നത്. എന്നാൽ മാന്ദ്യത്തിൽ നിന്നും ഏറ്റവും ശക്തമായി പിടിച്ചു നില്ക്കുന്നതിൽ ഇന്ത്യ ഒന്നാമതും ചൈന രണ്ടാമതും ആയിരിക്കും എന്നും വിദഗ്ദർ പറയുന്നു. ഇന്ത്യയുടെ വൻ ഉപഭോക്തൃ മാർകറ്റ് ഇന്ത്യക്ക് വൻ തുണയായി മാറും എന്നും പറയുന്നു.

WORLD

ആശങ്ക കടലിലും കാട്ടിലും; രക്ഷിക്കില്ലേ ബാണാസുര ചിലപ്പനെ? ട്രംപ് കാണാത്ത കുക്ക് ഐലൻഡ്സിൽ ചൈനയുടെ കളികൾ

syampj@live.com / March 10, 2025

അക്രമം നിറയുന്ന അന്തരീക്ഷം, അസ്വസ്ഥത നിറയുന്ന രാജ്യാന്തര ബന്ധങ്ങൾ, കാട്ടിലും നാട്ടിലും ഒരുപോലെ ആശങ്കപ്പെടുത്തുന്ന സംഭവങ്ങൾ… എന്താണ് ഇവയ്ക്കു പിന്നിൽ? വെറും വാർത്തയ്ക്കപ്പുറം വിശദീകരണങ്ങളിലേക്കും മലയാളി വായനക്കാർ മേൽപ്പറഞ്ഞ ചോദ്യത്തിന്റെ ഉത്തരം തേടി സഞ്ചരിക്കുകയാണ്. അവർക്കാവശ്യമായതെല്ലാം മനോരമ ഓൺലൈൻ പ്രീമിയം ഒരുക്കുകയും ചെയ്തു. പ്രീമിയം വിഭാഗത്തിൽ കഴിഞ്ഞ ആഴ്ചയിൽ ഏറ്റവും കൂടുതൽ പേർ വായിച്ച 5 വാർത്തകൾ എന്തെല്ലാമാണ്? തിരഞ്ഞെടുത്ത ആ വാർത്തകൾ ഒരിക്കൽക്കൂടി വായിക്കാം, ഒപ്പം അറിവും ഓർമയും മിനുക്കാം… ഇന്ത്യയിലെ തന്നെ വളരെ അപൂർവ പക്ഷിയിനങ്ങളിലൊന്നായ ബാണാസുര ചിലപ്പനെ സംരക്ഷിക്കാനാവുമോ? വയനാട് തുരങ്കപാത നിർമാണത്തിന് പരിസ്ഥിതി ആഘാത അനുമതി നൽകിയ സമിതിയുടെ പഠന റിപ്പോർട്ട് കഴിഞ്ഞയാഴ്ച ഏറെ ചർച്ചയായിരുന്നു. ബാണാസുര ചിലപ്പനെ സംരക്ഷിക്കണമെന്ന പരിസ്ഥിതി ആഘാത സമിതിയുടെ കർശന നിർദേശം വന്നപ്പോൾ ഈ പക്ഷിയുടെ പ്രത്യേകതകളെ കുറിച്ചുള്ള പ്രീമിയം വാർത്തയും ഏറെ പ്രാധാന്യത്തോടെ വായനക്കാർ സ്വീകരിച്ചു. അതിനിടെ, പോയവാരവും കേരളത്തിൽ വന്യജീവി ശല്യം ഏറെ ചർച്ചയായി. കാട്ടാനകളുടെ നാട്ടിലേക്കുള്ള വരവ് എങ്ങനെ തടയാം എന്നു ചിന്തിച്ചവർക്ക് തമിഴ്നാട് വനം വകുപ്പിന്റെ വിജയമന്ത്രം ഏറെ ഗുണകരമായി. തമിഴ്നാട് ചീഫ് വൈൽഡ് ലൈഫ് വാർഡനും പ്രിൻസിപ്പൽ ചീഫ് കൺസർവേറ്റർ ഓഫ് ഫോറസ്റ്റുമായ ശ്രിനിവാസ് റെഡ്ഡിയുമായുള്ള അഭിമുഖമാണ് മനോരമ ഓൺലൈൻ പ്രീമിയം നൽ‍കിയത്. മലയോര മേഖല മാത്രമല്ല തീരപ്രദേശവും കടുത്ത ആശങ്കയിലാണ്. ഇവിടെ കേന്ദ്ര പദ്ധതിയായ കടൽ മണൽ ഖനനമാണ് ആശങ്ക തീർക്കുന്നത്. മണൽഖനനത്തിനു തിരഞ്ഞെടുത്ത കൊല്ലം ജില്ലയിലെ തീര മേഖലയുടെ ആശങ്കയും പ്രീമിയത്തിലൂടെ വായനക്കാരിലേക്ക് എത്തി. മത്സ്യവളർച്ചയ്ക്ക് ഏറെ സഹായകരമായ കൊല്ലം പരപ്പിന്റെ നാശത്തിനു മണൽഖനനം കാരണമാവും എന്നാണ് മത്സ്യത്തൊഴിലാളികൾ വിശ്വസിക്കുന്നത്.

KERALA

അസദ് അനുകൂലികളും സൈന്യവും തമ്മിൽ ഏറ്റുമുട്ടൽ, 1000 പേർ കൊല്ലപ്പെട്ടു

syampj@live.com / March 10, 2025

ദമാസ്കസ്: മെഡിറ്ററേനിയൻ തീരത്തോട് ചേർന്നുള്ള മേഖലകളിൽ അസദ് അനുകൂലികളും സൈന്യവും തമ്മിൽ ഏറ്റുമുട്ടൽ. രണ്ടുദിവസമായി തുടരുന്ന കനത്ത ഏറ്റുമുട്ടൽ ഇപ്പോഴും തുടരുക ആണ്. സംഘർഷത്തിനിടെ ആയിരത്തിലധികം പേർ കൊല്ലപ്പെട്ടതായാണ് വിവരം. ബാഷർ അൽ അസദിന് സ്വാധീനമുള്ള തീരമേഖലകളിലാണ് കലാപം രൂക്ഷമായിരിക്കുന്നത്. അസദിനെ പുറത്താക്കിയതിനു ശേഷം സിറിയയുടെ വിവിധ ഭാഗങ്ങളിൽ സംഘർ‌ഷങ്ങൾ റിപ്പോർട്ട് ചെയ്തിരുന്നു. നിരപരാധികളായ പൗരന്മാരെ ആക്രമിക്കുന്നവർക്കെതിരെ ശക്തമായ നടപടി ഉണ്ടാകുമെന്ന് ഇടക്കാല പ്രസിഡന്റ് അഹമ്മദ് അൽഷാറ മുന്നറിയിപ്പ് നൽകി. അക്രമം അവസാനിപ്പിച്ച് ആയുധങ്ങൾ താഴെ വയ്‌ക്കണമെന്നും അദ്ദേഹം ആഹ്വാനം ചെയ്തു. സംഘർഷം രൂക്ഷമായ മേഖലകളിലെല്ലാം കർഫ്യു തുടരുകയാണ്. കലാപം പൊട്ടിപ്പുറപ്പെട്ട ലറ്റക്കിയയിലും ടാർട്ടസിലും കർഫ്യൂ പ്രഖ്യാപിച്ചിട്ടുണ്ട്. ലറ്റക്കിയ നഗരമേഖലകളിൽ വൈദ്യുതിയും കുടിവെള്ള വിതരണവും അപ്പാടെ നിലച്ചിരിക്കുകയാണ്. ബ്രിട്ടൺ ആസ്ഥാനമായുള്ള സിറിയൻ ഒബ്സർവേറ്ററി ഫോർ ഹ്യൂമൻ റൈറ്റ്സിന്റെ കണക്കുകൾ പ്രകാരം 745 സാധാരണക്കാർ കൊല്ലപ്പെട്ടതിനു പുറമേ, 125 സുരക്ഷാ ഉദ്യോഗസ്ഥരും അസദ് അനുകൂല സായുധ ഗ്രൂപ്പുകളിലെ 148 അംഗങ്ങളും കൊല്ലപ്പെട്ടെന്നാണ് റിപ്പോർട്ട്. അസദിനെ പുറത്താക്കിയതിന്റെ വിരോധമാണ് സായുധ ഗ്രൂപ്പുകൾ കലാപത്തിലൂടെ പ്രകടമാക്കുന്നത്. സിറിയയിൽ വിമതർ അധികാരം പിടിച്ചെടുത്ത് മൂന്ന് മാസത്തിന് ശേഷവും സംഘർഷത്തിന് അയവുവന്നിട്ടില്ല. കഴിഞ്ഞ വ്യാഴാഴ്ചയാണ് ആഭ്യന്തര കലാപം വീണ്ടും രൂക്ഷമായത്.

KERALA

താനൂരിൽ നിന്നും കാണാതായ പ്ലസ് ടു വിദ്യാർഥിനികളെ കണ്ടെത്തി

syampj@live.com / March 10, 2025

മലപ്പുറം താനൂരിൽ നിന്നും കാണാതായ രണ്ട് പ്ലസ് ടു വിദ്യാർഥിനികളെയും മുംബൈയിൽ നിന്ന് കണ്ടെത്തി. മുംബൈ – ചെന്നൈ എക്സ്പ്രസ് ട്രെയിൻ യാത്രയ്ക്കിടെ ലോണാവാല സ്റ്റേഷനിൽ നിന്നാണ് ആർപിഎഫ് കുട്ടികളെ കണ്ടെത്തിയത്. കുട്ടികളെ പൂനെ പൊലീസ് സ്റ്റേഷനിലേക്ക് മാറ്റും. താനൂർ പൊലീസ് ഇന്ന് 8.30ന് മുംബൈയിൽ എത്തുമെന്നും കുട്ടികളുമായി നാട്ടിലേക്ക് തിരിക്കുമെന്നും അറിയിച്ചു. ബുധനാഴ്ച ഉച്ചയ്ക്കു ശേഷമാണ് താനൂർ ദേവതാർ ഹയർ സെക്കന്‍ഡറി സ്കൂളിലെ പ്ലസ് ടു വിദ്യാർഥികളായ ഫാത്തിമ ഷഹദ (16) അശ്വതി (16) എന്നിവരെ കാണാതായത്. പരീക്ഷയ്‌ക്കെന്ന് പറഞ്ഞാണ് വീട്ടിൽ നിന്ന് ഇറങ്ങിയതെങ്കിലും ഇരുവരും സ്‌കൂളിലെത്തിയിരുന്നില്ല. ഇരുവരും ഇന്നലെ പരീക്ഷ എഴുതിയിട്ടില്ലെന്നും സ്കൂൾ അധികൃതർ അറിയിച്ചു. ഇന്നലെ ഉച്ചക്ക് 12 മണിക്ക് ശേഷം ഇവർ തിരൂർ റെയിൽവേ സ്റ്റേഷനിൽ എത്തിയെന്ന് സിസിടിവി ദൃശ്യങ്ങളിൽ നിന്നും വ്യക്തമായി. വിദ്യാർഥിനികളുടെ ഫോണിലേക്ക് ഒരേ ഫോൺ നമ്പറിൽ നിന്ന് കോൾ വന്നിരുന്നതായി പൊലീസ് കണ്ടെത്തി. മഞ്ചേരി സ്വദേശിയുടെ പേരിലുള്ള സിം കാർഡിൽ നിന്നുമാണ് വിദ്യാർഥിനികൾക്ക് അവസാനമായി ഫോൺകോൾ വന്നത്. എന്നാൽ ഈ സിമ്മിൻ്റെ ടവർ ലൊക്കേഷൻ കാണിക്കുന്നത് മഹാരാഷ്ട്രയിലാണെന്നും അന്വേഷണ ഉദ്യോഗസ്ഥർ അറിയിച്ചു. ഇത് മഞ്ചേരി സ്വദേശിയായ റഹീം അസ്ലമിന്റെ നമ്പറാണെന്ന് പൊലീസ് കണ്ടെത്തി. ഇതിനെ തുടർന്ന് നടത്തിയ അന്വേഷണത്തിലാണ് കൂടുതൽ വിവരങ്ങൾ പൊലീസിന് ലഭിച്ചത്.

Cricket

മത്സരത്തിനിടെ എനർജി ഡ്രിങ്ക് കുടിച്ചു, മുഹമ്മദ് ഷമിക്കെതിരെ കടുത്ത സൈബർ ആക്രമണം; താരത്തെ പിന്തുണച്ച് ക്രിക്കറ്റ് ലോകം

syampj@live.com / March 7, 2025

ദുബായ്∙ ഓസ്ട്രേലിയയ്‌ക്കെതിരായ ചാംപ്യൻസ് ട്രോഫി സെമിഫൈനലിനിടെ എനർജി ഡ്രിങ്ക് കുടിക്കുന്ന ഇന്ത്യൻ താരം മുഹമ്മദ് ഷമിയുടെ ചിത്രം സഹിതം സൈബറിടങ്ങളിൽ നടക്കുന്ന അധിക്ഷേപങ്ങളുമായി ബന്ധപ്പെട്ട് വിവാദം. ലോകവ്യാപകമായി ഇസ്‍ലാം മതവിശ്വാസികൾ റമസാൻ വ്രതം അനുഷ്ഠിക്കുമ്പോൾ, മുഹമ്മദ് ഷമി അതിനു തയാറാകുന്നില്ലെന്ന് ചൂണ്ടിക്കാട്ടിയാണ് താരത്തിനെതിരെ സൈബർ ആക്രമണം ശക്തമായത്. സമൂഹമാധ്യമങ്ങളിൽ താരത്തിനെതിരെ അധിക്ഷേപവും ട്രോളുകളും വ്യാപകമാവുകയും, മതപണ്ഡിതൻമാരിൽ ചിലരും വിമർശനം ഉന്നയിക്കുകയും ചെയ്തതോടെ, താരത്തെ പിന്തുണച്ച് കുടുംബാംഗങ്ങളും ക്രിക്കറ്റ് ആരാധകരും രംഗത്തെത്തി. ഒരു വിഭാഗം മതപണ്ഡിതരും ഷമിയെ പിന്തുണച്ച് രംഗത്തുണ്ട്. റമസാൻ വ്രതം ഒഴിവാക്കിയതിന് ഷമിയെ ‘ക്രിമിനൽ’ എന്ന് വിശേഷിപ്പിച്ച് ഉത്തർപ്രദേശിൽ നിന്നുള്ള മതപണ്ഡിതൻ രംഗത്തെത്തിയിരുന്നു. ഇതോടെയാണ് താരത്തെ പിന്തുണച്ച് കുടുംബാംഗങ്ങൾ തന്നെ രംഗത്തിറങ്ങിയത്. പാക്കിസ്ഥാൻ താരങ്ങൾക്കിടയിൽ പോലും വ്രതം അനുഷ്ഠിക്കാത്തവരുണ്ടെന്നും ഷമി കളിക്കുന്നത് രാജ്യത്തിനു വേണ്ടിയാണെന്നും അദ്ദേഹത്തിന്റെ ബന്ധുവായ മുംതാസ് ചൂണ്ടിക്കാട്ടി. ‘‘ഷമി ഇന്ത്യയ്ക്കു വേണ്ടിയാണ് കളിക്കുന്നത്. പാക്കിസ്ഥാൻ ക്രിക്കറ്റ് ടീമിൽ പോലും വ്രതം നോക്കാതെ കളിക്കുന്നവരുണ്ട്. അതുകൊണ്ട് ഇത് പുതിയ സംഭവമൊന്നുമല്ല. വ്രതം അനുഷ്ഠിക്കാത്തതിന്റെ പേരിൽ ഷമിയെ ഇത്ര ക്രൂരമായി ആക്രമിക്കുന്നതുതന്നെ മോശമാണ്. ഇത്തരം അനാവശ്യ വിവാദങ്ങൾക്ക് ചെവികൊടുക്കാതെ മാർച്ച് ഒൻപതിനു നടക്കുന്ന ഫൈനലിന് തയാറെടുക്കാനാണ് ഞങ്ങൾ ഷമിയോട് പറയുക’ – മുംതാസ് വാർത്താ ഏജൻസിയായ എഎൻഐയോട് പറഞ്ഞു. ഓസ്ട്രേലിയയ്‌ക്കെതിരായ സെമിഫൈനലിൽ 10 ഓവറിൽ 48 റൺസ് വഴങ്ങി മൂന്നു വിക്കറ്റെടുത്ത മുഹമ്മദ് ഷമിയുടെ പ്രകടനം ശ്രദ്ധ നേടിയിരുന്നു. ഓസീസിനെതിരായ ഇന്ത്യയുടെ വിജയത്തിൽ ഇത് നിർണായകമാകുകയും ചെയ്തു. ഇതുവരെ നടന്ന നാലു മത്സരങ്ങളിൽനിന്ന് എട്ടു വിക്കറ്റുകളാണ് ഷമി ഇതുവരെ നേടിയത്. ടൂർണമെന്റിലെ വിക്കറ്റ് വേട്ടക്കാരിൽ രണ്ടാമനാണ് ഷമി.

KERALA

വെഞ്ഞാറമൂട് കൂട്ടകൊലക്കേസ്, പ്രതി അഫാനെ പൂജപ്പുര സെൻട്രല്‍ ജയിലിലെ പ്രത്യേക നിരീക്ഷണ ബ്ലോക്കിലേക്ക് മാറ്റി, 24 മണിക്കൂറും നിരീക്ഷണം

syampj@live.com / March 7, 2025

തിരുവനന്തപുരം: വെഞ്ഞാറമൂട് കൂട്ടകൊലക്കേസിലെ പ്രതി അഫാനെ പൂജപ്പുര സെൻട്രല്‍ ജയിലിലെ പ്രത്യേക നിരീക്ഷണ ബ്ലോക്കിലേക്ക് മാറ്റി. അഫാനൊപ്പം മറ്റൊരു തടവുകാരനുമുണ്ട്. അഫാനെ നിരീക്ഷിക്കാൻ 24 മണിക്കൂറും ജയില്‍ ഉദ്യോഗസ്ഥരുമുണ്ട്. താനും ജീവനൊടുക്കുമെന്ന് ജയിലെത്തിയ ശേഷം അഫാൻ ജയില്‍ ഉദ്യോഗസ്ഥരോട് പറഞ്ഞിരുന്നു. ഇതേ തുടർന്നാണ് പ്രത്യേക നിരീക്ഷണം. കടബാധ്യതയെ തുടർന്നാണ് കൂട്ടക്കൊല നടത്തിയതെന്നാണ് ജയില്‍ ഉദ്യോഗസ്ഥരോടും അഫാൻ പറഞ്ഞത്. ഇന്നലെയാണ് മെഡിക്കല്‍ കോളേജില്‍ നിന്നും അഫാനെ ജയിലേക്ക് മാറ്റിയത്. അഫാനെ കസ്റ്റഡയില്‍ ആവശ്യപ്പെട്ടുകൊണ്ടുള്ള അപേക്ഷ വെള്ളിയാഴ്ച വെഞ്ഞാറമൂട് പൊലീസ് കോടതിയില്‍ നല്‍കും. ഇന്ന് അപേക്ഷ നല്‍കാനായിരുന്നു തീരുമാനമെങ്കിലും അഫാൻെറ ആരോഗ്യ-മാനസിക നില നോക്കിയ ശേഷം നല്‍കാമെന്ന് തീരുമാനിക്കുകയായിരുന്നു.

UAE

ദുബായിൽ വിസിറ്റിങ് വിസാക്കാർ ഇനി കുറച്ച് വിയർക്കും

syampj@live.com / March 5, 2025

വിസിറ്റിങ് വിസയിൽ ദുബായി ഉൾപ്പെടെയുള്ള ഗൾഫ് രാജ്യങ്ങളിലേക്ക് പോകുന്നവർക്ക് പല തരത്തിൽ ഉള്ള ബുദ്ധിമുട്ടുകളാണ് നേരിടേണ്ടി വരുന്നത്. വിമാനത്താവളങ്ങൾ മുതൽ തന്നെ അപ്രതീക്ഷിതമായ ബുദ്ധിമുട്ടുകള്‍ നേരിടേണ്ടി വരാറുണ്ട് ഇവർക്ക്. സന്ദർശക വിസ ലഭിച്ചു പോകുന്നവർ തങ്ങളുടെ നാട്ടിലുള്ള ഏതെങ്കിലും ബാങ്ക് അക്കൗണ്ടില്‍ 70,000 രൂപയുടെ ബാലൻസ് കാണിക്കണമെന്നതാണ് അധികൃതരുടെ കാർക്കശ്യ നിലപാട്. ഈ നിയമം വന്നിട്ട് കുറച്ച് നാളുകൾ ആയി. ഈ നിയമത്തെക്കുറിച്ച്‌ അറിയാത്ത പലരും വിമാനം കയറാനാകാതെ നാട്ടിലേക്ക് തിരിച്ചു പോരേണ്ടി വന്നിട്ടുണ്ട്. നാട്ടിലെ അക്കൗണ്ടില്‍ പണമുണ്ടായാല്‍ വിദേശങ്ങളില്‍ എങ്ങനെ താമസവും ഭക്ഷണവും ഉറപ്പ് വരുത്തുക എന്ന ചോദ്യത്തിന് അധികൃതർക്കും മറുപടിയില്ല. ഇതോടൊപ്പം യുഎഇയില്‍ ജോലി ചെയ്യുന്ന പലരും കുടുംബത്തെ രാജ്യത്തേക്ക് കൊണ്ടുവരാൻ ആഗ്രഹിക്കുന്നുണ്ടാവും. പക്ഷേ യുഎഇയില്‍ കുടുംബ വിസയ്ക്ക് അപേക്ഷിക്കുന്നതിനുള്ള നടപടിക്രമങ്ങള്‍, ആവശ്യമായ രേഖകള്‍, ചെലവുകള്‍ എന്നിവയെക്കുറിച്ച്‌ ചിലർക്ക് ധാരണയുണ്ടാവില്ല. ★ യുഎഇയില്‍ സാധുവായ തൊഴില്‍ വിസയുള്ള എല്ലാ വിദേശികള്‍ക്കും സ്വന്തം ബിസിനസ് നടത്തുന്നവർക്കും ഫാമിലി വിസയ്ക്ക് ആർക്കൊക്കെ അപേക്ഷിക്കാം അപേക്ഷിക്കാനുള്ള യോഗ്യത: ★ ശമ്ബളം: കുറഞ്ഞത് 4,000 ദിർഹമോ അല്ലെങ്കില്‍ 3,000 ദിർഹമോ ശമ്ബളം ആയിരിക്കണം. കൂടാതെ, താമസ സൗകര്യവും ഉറപ്പാക്കേണ്ടതുണ്ട്. മാതാപിതാക്കള്‍, സഹോദരങ്ങള്‍ തുടങ്ങിയവരെ സ്പോണ്‍സർ ചെയ്യുന്നത് സംബന്ധിച്ച്‌ വ്യത്യസ്ത നിയമങ്ങളും ഡോക്യുമെന്റ് ആവശ്യകതകളും ഉണ്ട്. ★ സ്ഥിരമായ തൊഴില്‍: ഒരു സ്ഥാപനത്തില്‍ സ്ഥിരമായി ജോലി ചെയ്യുന്നതായി തെളിയിക്കുന്ന രേഖകള്‍ ★ വാടക കരാർ: കുടുംബത്തെ താമസിപ്പിക്കാൻ പാകത്തിനുള്ള വാടക വീട് ഉണ്ടെന്ന് തെളിയിക്കുന്ന രേഖകള്‍ ആവശ്യമായ രേഖകള്‍: ❖ പാസ്‌പോർട്ട് പകർപ്പുകള്‍ ❖ വിവാഹ സർട്ടിഫിക്കറ്റ് (അറബിയില്‍ വിവർത്തനം ചെയ്തത്) ❖ കുട്ടികളുടെ ജനന സർട്ടിഫിക്കറ്റുകള്‍ ❖ തൊഴില്‍ കരാർ ❖ ശമ്ബള സർട്ടിഫിക്കറ്റ് ❖ വാടക കരാർ ❖ പാസ്‌പോർട്ട് സൈസ് ഫോട്ടോകള്‍ ❖ മെഡിക്കല്‍ ഫിറ്റ്‌നസ് സർട്ടിഫിക്കറ്റ് എങ്ങനെ അപേക്ഷിക്കണം ? 1. അമർ സെൻ്റർ അല്ലെങ്കില്‍ ടൈപ്പിംഗ് സെൻ്റർ സന്ദർശിക്കുക: ഈ കേന്ദ്രങ്ങളില്‍ വിസ അപേക്ഷാഫോം പൂരിപ്പിക്കാനും ആവശ്യമായ രേഖകള്‍ സമർപ്പിക്കാനും സാധിക്കും. ദുബൈ ഇന്റർനാഷണല്‍ എയർപോർട്ട് ടെർമിനല്‍ 3-ല്‍ സ്ഥിതി ചെയ്യുന്ന ജനറല്‍ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (GDRFA) കസ്റ്റമർ ഹാപ്പിനസ് സെൻററിലും നിങ്ങള്‍ക്ക് വിസ അപേക്ഷിക്കാം. 2. ഓണ്‍ലൈൻ അപേക്ഷ: ഐസിപി (ICP) വെബ്സൈറ്റ്, ജനറല്‍ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (GDRFA-D) വെബ്സൈറ്റ് അല്ലെങ്കില്‍ ദുബൈനൗ ആപ്പ് വഴി ഓണ്‍ലൈനായി അപേക്ഷിക്കാം. 3. മെഡിക്കല്‍ ഫിറ്റ്‌നസ് ടെസ്റ്റ്: അംഗീകൃത ആരോഗ്യ കേന്ദ്രങ്ങളില്‍ മെഡിക്കല്‍ ഫിറ്റ്‌നസ് ടെസ്റ്റ് ചെയ്യുക. . ഈ ടെസ്റ്റ് ചെയ്യുന്നതിന് അടുത്തുള്ള ഒരു ഹെല്‍ത്ത് സെന്റർ സന്ദർശിക്കാം. ഏതു ഹെല്‍ത്ത് സെന്റർ സന്ദർശിക്കണമെന്ന് തീരുമാനിക്കുമ്ബോള്‍, എളുപ്പത്തില്‍ എത്തിച്ചേരാൻ കഴിയുന്ന ഒരു സ്ഥലം തിരഞ്ഞെടുക്കുക. ഈ സെന്ററില്‍ എത്തിച്ചേർന്നാല്‍, അവർ തരുന്ന ഫോം ശരിയായി പൂരിപ്പിച്ച്‌ സമർപ്പിക്കുക. 4. എമിറേറ്റ്സ് ഐഡി ശേഖരിക്കുക: വിസയ്ക്ക് അപേക്ഷിക്കുമ്ബോള്‍, പുതിയ എമിറേറ്റ്സ് ഐഡി എവിടെ നിന്ന് ലഭിക്കണമെന്ന് തീരുമാനിക്കാം. അടുത്തുള്ള ഒരു എമിറേറ്റ്സ് പോസ്റ്റ് ഓഫീസില്‍ നിന്ന് നേരിട്ട് കൈപ്പറ്റാം, അല്ലെങ്കില്‍ ഒരു കൊറിയർ സേവനം ഉപയോഗിച്ച്‌ താമസ സ്ഥലത്തേക്ക് അയക്കാൻ ആവശ്യപ്പെടാം. ഈ രണ്ട് സൗകര്യപ്രദമായ ഓപ്ഷനുകളില്‍ ഏതാണ് അനുയോജ്യമെന്ന് തിരഞ്ഞെടുക്കുക. യുഎഇയിലെ എല്ലാ താമസക്കാർക്കും അവരുടെ ഐഡന്റിറ്റി തെളിയിക്കാൻ എമിറേറ്റ്സ് ഐഡി നിർബന്ധമാണ്. എപ്പോഴും കൈവശം വയ്ക്കേണ്ട ഒരു പ്രധാന രേഖയാണ്. ചെലവുകള്‍: അപേക്ഷിക്കുന്ന സർവീസ് സെന്ററും നിലവിലെ സ്ഥിതിയും അനുസരിച്ച്‌ ചെലവ് ചെറിയ തോതില്‍ വ്യത്യാസപ്പെടാം. സാധാരണയായി ഇനിപ്പറയുന്ന ചെലവുകള്‍ പ്രതീക്ഷിക്കാം: എൻട്രി പെർമിറ്റ്: 550 ദിർഹം ഫയല്‍ ഓപ്പണിംഗ് ചാർജുകള്‍: 300 ദിർഹം എമിറേറ്റ്സ് ഐഡി (രണ്ട് വർഷത്തേക്ക്): 385 ദിർഹം മെഡിക്കല്‍ ഫിറ്റ്നസ് ടെസ്റ്റ്: 320 ദിർഹം വിസ സ്റ്റാമ്ബിംഗ്: 580 ദിർഹം

Author name: syampj@live.com

ബഹ്റൈനില്‍ പാസ്‌പോര്‍ട്ട് സേവനങ്ങള്‍ ഉള്‍പ്പെടെ ആറ് സര്‍ക്കാര്‍ സേവനങ്ങള്‍ ഇനി ഓണ്‍ലൈനിലൂടെ

ശമ്പളം ഏഴാം തീയതിക്കുള്ളിൽ നൽകണം; അല്ലെങ്കില്‍ കർശന നടപടിയെന്ന് കുവൈറ്റ് തൊഴിൽ മന്ത്രാലയം

റമദാനിൽ ജീവനക്കാരുടെ സുരക്ഷയും ആരോഗ്യവും ഉറപ്പാക്കണം; മാർഗനിർദേശം പുറപ്പെടുവിച്ച് ഒമാൻ തൊഴിൽ മന്ത്രാലയം

യാത്രക്കാരുടെ തിരക്ക് വര്‍ധിച്ചു; പ്രതിവാര സർവീസുകളുടെ എണ്ണം കൂട്ടി ഖത്തർ എയർവേസ്

സിം എടുക്കാൻ വരുന്നവരുടെ ആധാർ കാർഡ് ഉപയോഗിച്ച് വ്യാജ തിരിച്ചറിയൽ രേഖ നിർമ്മിക്കും; പ്രതികൾ പിടിയിൽ

കൃഷിയിടത്തിൽ നിന്ന് പെരുന്തേനീച്ചയുടെ കുത്തേറ്റു; ചികിത്സയിലിരിക്കെ ഗൃഹനാഥൻ മരിച്ചു

കോട്ടയം മറവൻതുരുത്തിൽ മദ്യലഹരിയില്‍ യുവാവ് പുഴയിലേക്ക് കാര്‍ ഓടിച്ചിറക്കി

ആലപ്പുഴയില്‍ ട്രെയിന്‍ തട്ടി രണ്ട് പേര്‍ മരിച്ച നിലയില്‍; ജീവനൊടുക്കിയതെന്ന് സംശയം

കൊല്ലത്ത് വൻ ലഹരി വേട്ട; 90 ഗ്രാം ക്രിസ്റ്റൽ എംഡിഎംഎയുമായി യുവാവ് പിടിയിൽ

തിരുവനന്തപുരത്ത് സ്കൂൾ പരിസരത്ത് കഞ്ചാവ് വിൽപ്പന; ഓടി രക്ഷപ്പെട്ട പ്രതിയെ പിടികൂടി പൊലീസ്

സ്റ്റാലിന് എതിർപ്പ് ഉന്നയിക്കാൻ സ്വാതന്ത്ര്യമുണ്ട്; തമിഴ്നാട്ടിലും കേരളത്തിലുമെല്ലാം സീറ്റുകൾ കൂടും

സ്വകാര്യ ഭൂമി ഏറ്റെടുക്കില്ല; വിഴിഞ്ഞം തുറമുഖത്തിന്റെ വികസനത്തിന് ഭൂമി കണ്ടെത്തുക കടൽ നികത്തി

ട്രംപിന്റെ മണ്ടത്തരങ്ങൾ!ലോകം സാമ്പത്തിക മാന്ദ്യത്തിലേക്ക്, ലോകം മുഴുവൻ വിപണികൾ ഇടിഞ്ഞു

ആശങ്ക കടലിലും കാട്ടിലും; രക്ഷിക്കില്ലേ ബാണാസുര ചിലപ്പനെ? ട്രംപ് കാണാത്ത കുക്ക് ഐലൻഡ്സിൽ ചൈനയുടെ കളികൾ

അസദ് അനുകൂലികളും സൈന്യവും തമ്മിൽ ഏറ്റുമുട്ടൽ, 1000 പേർ കൊല്ലപ്പെട്ടു

താനൂരിൽ നിന്നും കാണാതായ പ്ലസ് ടു വിദ്യാർഥിനികളെ കണ്ടെത്തി

ദുബായിൽ വിസിറ്റിങ് വിസാക്കാർ ഇനി കുറച്ച് വിയർക്കും

Careers

Careers