ദാദാസാഹിബ് ഫാൽക്കെ പുരസ്ക്കാരം മോഹൻലാലിന്. ഇന്ത്യൻ സിനിമയ്ക്കുള്ള സമഗ്ര സംഭാവനയ്ക്കുള്ള ഏറ്റവും വലിയ ബഹുമതിയാണ് ദാദാസാഹിബ് ഫാൽക്കെ അവാർഡ്. മലയാളത്തില്‍ അടൂർ ഗോപാലകൃഷ്ണനു ശേഷം ദാദാസാഹിബ് ഫാൽക്കെ അവാർഡ് ലഭിക്കുന്നത് ലാലിനാണ്. 2023ലെ അവാര്‍ഡ് ആണ് പ്രഖ്യാപിച്ചത്.
കോണ്‍ഗ്രസ് സോഷ്യല്‍മീഡിയ പേജില്‍ നിന്ന് പ്രധാനമന്ത്രി നരേന്ദ്ര മോദിയുടേയും അദ്ദേഹത്തിന്റെ മരിച്ചുപോയ അമ്മയുടെയും എഐ വീഡിയോ ഒഴിവാക്കണമെന്ന് പട്‌ന ഹൈക്കോടതി. വിവേകാനന്ദ് സിങ് സമര്‍പ്പിച്ച ഹര്‍ജിയില്‍ ആക്ടിങ് ചീഫ് ജസ്റ്റിസ് പി.ബി ബൈജന്ത്രിയാണ് ഉത്തരവിട്ടത്. പ്രധാനമന്ത്രിയെ അദ്ദേഹത്തിന്റെ അമ്മ സ്വപ്നത്തിൽ വന്ന് വിമര്‍ശിക്കുന്നതായി ചിത്രീകരിക്കുന്ന വീഡിയോ ബിഹാര്‍ കോണ്‍ഗ്രസ് കഴിഞ്ഞയാഴ്ച തങ്ങളുടെ എക്സ് ഹാന്‍ഡിലില്‍ പോസ്റ്റ് ചെയ്തിരുന്നു. ഇത് വലിയ വിവാദത്തിന് വഴിവെക്കുകയും ചെയ്തു. വീഡിയോ ഉടനടി പിന്‍വലിക്കാനാണ് കോടതി ഉത്തരവിട്ടത്. അതോടൊപ്പം രാഹുല്‍ ഗാന്ധി, എക്സ്, , ഫെയ്സ്ബുക്ക് എന്നിവര്‍ക്കും കോടതി നോട്ടീസ് അയച്ചിട്ടുണ്ടെന്ന് തിരഞ്ഞെടുപ്പ് കമ്മീഷന്റെ അഭിഭാഷകന്‍ സിദ്ധാര്‍ഥ് പ്രസാദ് പറഞ്ഞു.
ബീഹാറില്‍ ക്ലോക്ക് ടവർ വിവാദം. ഉദ്ഘാടനം ചെയ്ത് ഒരു ദിവസത്തിനുള്ളിൽ ക്ലോക്കിന്റെ പ്രവര്‍ത്തനം നിലച്ചു.40 ലക്ഷം രൂപയോളം മുടക്കിയാണ് ക്ലോക്ക് ടവർ നിർമിച്ചതെന്നാണ് റിപ്പോര്‍ട്ടുകള്‍. മുഖ്യമന്ത്രി നിതീഷ് കുമാറിന്റെ പ്രഗതി യാത്രയുമായി ബന്ധപ്പെട്ടാണ് നിര്‍മാണം പെട്ടെന്ന് പൂര്‍ത്തിയാക്കിയത്. മുഖ്യമന്ത്രി തന്നെയാണ് ടവർ ഉദ്ഘാടനം ചെയ്തത്. എന്നാൽ ഉദ്ഘാടനം ചെയ്ത് 24 മണിക്കൂർ കഴിയുംമുൻപ് ക്ലോക്ക് കേടായി. മോഷ്ടാക്കൾ ടവറിൽ കയറി ചെമ്പുകമ്പികൾ വലിച്ചെടുത്തതോടെയാണ് ക്ലോക്ക് കേടായത്. ടവറിന്റെ രൂപകൽപനയും വിമര്‍ശനങ്ങള്‍ക്ക് വഴിവെച്ചിട്ടുണ്ട്. ഒരു തൂണിന് മുകളിൽ ചതുരാകൃതിയിലുള്ള ബോക്സ് കയറ്റിവച്ച രൂപത്തിലാണ് ടവർ ഉള്ളത്.വെളുത്ത നിറത്തിൽ കുമ്മായത്തിന്റെ നിറത്തില്‍ പെയിന്റ് ചെയ്തത് കാരണം ഒട്ടും ആകര്‍ഷകവുമല്ല. ഇതിനു എങ്ങനെ 40 ലക്ഷം വന്നത് എന്നാണ് ആളുകളുടെ സംശയം. ഇതോടെ ക്ലോക്ക് ടവർ വിവാദവുമായി.
ഷാറൂഖ് ഖാനും കുടുംബവും വാടകവീട്ടിലേക്ക് താമസം മാറി. മന്നത്ത് ബംഗ്ലാവിന്റെ നവീകരണ പ്രവർത്തനങ്ങൾ ആരംഭിച്ചതോടെയാണിത്‌. മന്നത്ത് ബംഗ്ലാവ് വിപുലീകരിക്കുകയാണ്. ഗ്രേഡ് ടു ബി പൈതൃക പട്ടികയിൽ ഇടം നേടിയിരിക്കുന്ന പ്രോപ്പർട്ടി ആയതിനാൽ മന്നത്തിൽ നവീകരണ പ്രവർത്തനങ്ങൾ നടത്തുന്നതിന് പ്രത്യേക അനുമതി ആവശ്യമായിരുന്നു. 2024 നവംബറിലാണ് ഇതിനുള്ള അപേക്ഷ ഗൗരി ഖാൻ സമർപ്പിച്ചത്. മഹാരാഷ്ട്ര കോസ്റ്റൽ സോൺ മാനേജ്മെന്റ് അതോറിറ്റി അനുമതി നൽകുകയും ചെയ്തു. ഇതോടെയാണ് ഇവര്‍ താമസം മാറിയത്. ഭഗ്നാനി കുടുംബത്തിന്റെ ഉടമസ്ഥതയിലുള്ള രണ്ട് ഡ്യൂപ്ലക്സ് അപ്പാർട്ട്മെന്റുകൾ ഷാറൂഖ് വാടകയ്ക്ക് എടുത്തിട്ടുണ്ട്. ഇപ്പോള്‍ അവിടെയാണ് താമസം. 25 കോടി രൂപയാണ് നവീകരണ പ്രവർത്തനങ്ങൾക്കായി ഷാറൂഖ് ചെലവഴിക്കുന്നത് എന്നാണ് റിപ്പോര്‍ട്ട്.
കേരളത്തില്‍ ഇപ്പോള്‍ ഹൗസ് ക്ലീനിങ് ഏജൻസികളുടെ കാലം. pala കുടുംബങ്ങളും ഇന്ന് ആശ്രയിക്കുന്നത് ക്ലീനിങ് ഏജൻസികളുടെ സഹായമാണ്. വീട്ടുജോലിക്ക് പഴയതുപോലെ ആളുകളെ കിട്ടുന്നില്ല. അതും ഈ ഏജന്‍സികളെ ആശ്രയിക്കാന്‍ കാരണമാകുന്നു. ഡീപ് ക്ലീനിങ്ങാണ് ഇതില്‍ പ്രധാനം.കിച്ചൻ കോഡും ഇലക്ട്രിക്കൽ ഫിറ്റിങ്ങുകളും ജനവാതിലുകളും സീലിങ്ങും തറ തുടങ്ങി വീട്ടിലെ സകല സാധനങ്ങളും വൃത്തിയാക്കുന്നതാണ് ഡീപ് ക്ലീനിങ്. കാർപെറ്റുകളും സോഫകളുമെല്ലാം ഇവർ വൃത്തിയാക്കി നല്‍കും. കിച്ചൻ ക്ലീനിങ്ങും നല്ല നിലയില്‍ പൂര്‍ത്തിയാക്കും. ആവശ്യത്തിന് പണം നല്‍കണം എന്ന് മാത്രം.
ഇന്ത്യയിലേക്ക് 26 റഫാൽ എം യുദ്ധവിമാനങ്ങൾ കൂടി എത്തും. നാവികസേനയ്ക്കായാണ് ഈ വിമാനങ്ങള്‍ വാങ്ങുന്നത്. നാവികസേനയുടെ ഐഎന്‍എസ് വിക്രാന്തിലായിരിക്കും 26 റഫാൽ വിമാനങ്ങൾ വിന്യസിക്കുക. ഫ്രാന്‍സുമായി 63,000 കോടിയുടെ കരാർ ഉടൻ ഒപ്പിടുമെന്നാണ് ദേശീയ മാധ്യമങ്ങൾ റിപ്പോർട്ട് ചെയ്തത്. കരാറിന് കേന്ദ്ര മന്ത്രിസഭാ സമിതിയുടെ അനുമതി ലഭിച്ചിട്ടുണ്ട്. ഈ മാസം ഇന്ത്യയിൽ ഫ്രഞ്ച് പ്രതിരോധ മന്ത്രി സെബാസ്റ്റ്യന്‍ ലെക്കോർനു എത്തുന്നുണ്ട്. അദ്ദേഹം കരാറിൽ ഒപ്പിട്ടേക്കുമെന്നാണ് റിപ്പോര്‍ട്ട്. അഞ്ച് വര്‍ഷത്തിനുള്ളില്‍ വിമാനങ്ങള്‍ ഫ്രാൻസ് ഇന്ത്യയ്ക്ക് കൈമാറും. കരാർ പ്രകാരമുള്ള 26 വിമാനങ്ങളിൽ 22 എണ്ണം സിംഗിള്‍ സീറ്ററും 4 എണ്ണം ട്വീൻ സീറ്റർ വിമാനങ്ങളുമാണ്.
ഖത്തർ എയർവേയ്സിന്റെ ബോയിങ് 777 വിമാനങ്ങളിലെ യാത്രക്കാർക്ക് ഉടന്‍ തന്നെ ഇൻറർനെറ്റ് ലഭ്യമാകും. ഇതിനായി സ്റ്റാർലിങ്ക് അതിവേഗ ഇന്റർനെറ്റ് സ്ഥാപിക്കൽ നടപടി ഉടൻ പൂർത്തിയാകുമെന്ന് കമ്പനി അറിയിച്ചു. 35,000 അടി ഉയരത്തിൽ സ്ട്രീമിങ്, ഗെയിമിങ്, അതിവേഗ ബ്രൗസിങ് എന്നിവ സൗജന്യമായാണ് വൈ-ഫൈ വഴി യാത്രക്കാർക്ക് ലഭിക്കുക . ഈ മാസത്തോടെ എയർബസ് എ350 വിമാനങ്ങളിലും അതിവേഗ ഇന്റർനെറ്റ് സ്ഥാപിക്കൽ നടപടികൾക്കും തുടക്കം കുറിക്കും. ബോയിങ് 777ലെ സ്റ്റാർലിങ് വൈ-ഫൈ സേവനം വിജയകരമായതോടെയാണ് എ350 വിമാനങ്ങളിലേക്കും ഇത് വ്യാപിപ്പിക്കുന്നത്. ഏതാനും ബോയിങ് 777 വിമാനങ്ങളിൽ മാത്രമാണ് ഇനി സ്റ്റാർലിങ്ക് അതിവേഗ ഇന്റർനെറ്റ് സേവനം ലഭ്യമാക്കാനുള്ളുവെന്ന് ഖത്തർ എയർവേയ്സ് ഗ്രൂപ്പ് സി.ഇ.ഒ എൻജി. ബദർ മുഹമ്മദ് അൽ മീർ പറഞ്ഞു. ഈ മാസത്തോടെ എയർബസ് എ350 വിമാനങ്ങളിലേക്കു കൂടി സേവനം വിപുലീകരിക്കാനുള്ള തയാറെടുപ്പിലാണെന്നും ഇതോടെ എ350 വിമാനങ്ങളിൽ സ്റ്റാർലിങ്ക് അതിവേഗ ഇന്റർനെറ്റ് സേവനം നൽകുന്ന ലോകത്തിലെ ആദ്യ വിമാന കമ്പനിയായി ഖത്തർ എയർവേയ്സ് മാറുമെന്നും അദ്ദേഹം കൂട്ടിച്ചേര്‍ത്തു.
ആണവപ്രശ്നത്തില്‍ ഇറാനുമായി യു.എസ് നടത്തുന്ന ആദ്യ ഉന്നതതല ചർച്ച ശനിയാഴ്ച ഒമാനിൽ നടക്കും. യുഎസ് പ്രസിഡന്റ് ഡോണൾഡ് ട്രംപിന്റെ പ്രതിനിധി സ്റ്റീവ് വിറ്റ്കോഫ് പങ്കെടുക്കും. യുഎസുമായി നേരിട്ട് ചർച്ചയ്ക്കില്ലെന്നും മധ്യസ്ഥരുമായി ചർച്ചയാകാമെന്നാണ് ഇറാൻ വ്യക്തമാക്കിയത്. ഇറാനുമായി നേരിട്ടുള്ള ചർച്ചയാണു നടക്കാൻ പോകുന്നതെന്നാണു ട്രംപ് അവകാശപ്പെട്ടത്. ഇസ്രയേൽ പ്രധാനമന്ത്രി നെതന്യാഹുവുമായുള്ള കൂടിക്കാഴ്ചക്കു ശേഷമാണ് ട്രംപ് പ്രതികരിച്ചത്. ഇരു രാജ്യങ്ങളും തമ്മിലുള്ള സംഭാഷണം സാധ്യമാക്കുന്നതിൽ ഒമാന്റെ മധ്യസ്ഥത സ്വാഭാവികമായ ഒരു തിരഞ്ഞെടുപ്പാണെന്ന് ഇറാൻ വിദേശകാര്യ മന്ത്രാലയ വക്താവ് പറഞ്ഞത്.
ഈ വർഷം കടുത്ത ചൂടിനു സാധ്യത കുറവെന്ന് സൂചന. ആലപ്പുഴയില്‍ ഇടവിട്ടു മഴ ലഭിക്കുന്നതിന് സാധ്യത ഉണ്ടെന്നാണ് കാലാവസ്ഥ വിദഗ്ധര്‍ ചൂണ്ടിക്കാട്ടുന്നത്. . ഏപ്രിലിൽ ഇടവിട്ട് മഴയുണ്ടാകും. കഴിഞ്ഞ ഏതാനും ദിവസങ്ങളായി ഭൂരിഭാഗം ജില്ലകളിലും വൈകിട്ടു മഴ ലഭിക്കുന്നുണ്ട്. അതുകൊണ്ട് തന്നെ ചൂട് കുറവാണ്. 2023ലെ വേനൽക്കാലത്തിനു സമാനമായ സാഹചര്യങ്ങളാണ് ഈ വർഷവുമെന്നാണ് അനുമാനം. 36 ഡിഗ്രി സെൽഷ്യസ് താപനില പ്രതീക്ഷിക്കാം. തുടർച്ചയായ ദിവസങ്ങളിൽ ചൂട് കൂടുന്നതു കാരണമുള്ള പ്രശ്നങ്ങളും മഴ കാരണം ഒഴിവാകും.
ആഫ്റ്റര്‍ തിയറ്റര്‍ റിലീസ് ചിത്രമാ‌യ ‘ദാവീദ്’ ഒടിടിയിലേക്ക്. ബോക്സിംഗ് പശ്ചാത്തലത്തിലൊരുക്കിയിരിക്കുന്ന ചിത്രം സംവിധാനം ചെയ്തിരിക്കുന്നത് ഗോവിന്ദ് വിഷ്ണുവാണ്. വാലന്‍റൈന്‍സ് ദിനത്തിലാണ് ചിത്രം പ്രദാർശനത്തിനെത്തിയത്. പ്രമുഖ പ്ലാറ്റ്‍ഫോം ആയ സീ 5 ലൂടെയാണ് ചിത്രം സ്ട്രീമിംഗ് ചെയ്യുന്നത്. ഏപ്രില്‍ 18 ന് പ്രദര്‍ശനം തുടങ്ങും. ചിത്രത്തിന്റെ മലയാളം പതിപ്പ് മാത്രമാണ് ഇപ്പോൾ പ്രദർശനത്തിനെത്തുക. ആന്റണി വർഗീസ് ആണ് ചിത്രത്തിൽ നായകനായെത്തുന്നത്. കാര്യമായ മേക്കോവറോടെയാണ് ആന്റണി വര്‍ഗീസ് ഈ ചിത്രത്തിലെ ആഷിക് അബു എന്ന കഥാപാത്രത്തെ അവതരിപ്പിച്ചത്. സെഞ്ചുറി മാക്സ് ജോണ്‍ മേരി പ്രൊഡക്ഷന്‍സ് എല്‍എല്‍പിയുടെ ബാനറിലെത്തുന്ന ചിത്രം നിര്‍മ്മിച്ചിരിക്കുന്നത് അവര്‍ക്കൊപ്പം പനോരമ സ്റ്റുഡിയോസ്, എബി അലക്സ് എബ്രഹാം, ടോം ജോസഫ് എന്നിവരും ചേര്‍ന്നാണ്. ആന്റണി വര്‍ഗീസിനൊപ്പം ലിജോമോള്‍ ജോസ്, വിജയരാഘവന്‍, മോ ഇസ്മയില്‍, സൈജു കുറുപ്പ്, അജു വര്‍ഗീസ്, ജെസ് കുക്കു, കിച്ചു ടെല്ലസ്, വിനീത് തട്ടില്‍, അച്ചു ബേബി ജോണ്‍, അന്ന രാജന്‍ തുടങ്ങിയവരും പ്രധാന വേഷങ്ങൾ കെെകാര്യം ചെയ്യുന്നുണ്ട്. ചിത്രത്തിന്റെ ഛായാഗ്രഹണം സാലു കെ തോമസ്, എഡിറ്റിംഗ് രാകേഷ് ചെറുമഠം, ആക്ഷന്‍ കൊറിയോഗ്രഫി പി സി സ്റ്റണ്ട്സ്, സൗണ്ട് ഡിസൈന്‍ രംഗനാഥ് രവി, ടീസര്‍ കട്ട് ലിന്‍റോ കുര്യന്‍, പ്രൊഡക്ഷന്‍ ഡിസൈന്‍ രാജേഷ് പി വേലായുധന്‍, വസ്ത്രാലങ്കാരം മെര്‍ലിന്‍ ലിസബത്ത്, പ്രദീപ് കടക്കാശ്ശേരി, മേക്കപ്പ് അര്‍ഷാദ് വര്‍ക്കല, സൗണ്ട് മിക്സിംഗ് കണ്ണന്‍ ഗണ്‍പത്, പ്രൊഡക്ഷന്‍ കണ്‍ട്രോളര്‍ നോബിള്‍ ജേക്കബ്, ലൈന്‍ പ്രൊഡ്യൂസര്‍ ഫെബി സ്റ്റാലിന്‍, ചീഫ് അസോസിയേറ്റ് ഡയറക്ടര്‍ സുജിന്‍ സുജാതന്‍.