Sunday, November 30, 2025 - 9:09 PM

ENTERTAINMENT

Movies, OTT, TOP NEWS

ആഫ്റ്റര്‍ തിയറ്റര്‍ റിലീസ് ചിത്രം ‘ദാവീദ്’ ഒടിടിയിലേക്ക്

ആഫ്റ്റര്‍ തിയറ്റര്‍ റിലീസ് ചിത്രമാ‌യ ‘ദാവീദ്’ ഒടിടിയിലേക്ക്. ബോക്സിം​ഗ് പശ്ചാത്തലത്തിലൊരുക്കിയിരിക്കുന്ന ചിത്രം സംവിധാനം ചെയ്തിരിക്കുന്നത് ​ഗോവിന്ദ് വിഷ്ണുവാണ്. വാലന്‍റൈന്‍സ് ദിനത്തിലാണ് ചിത്രം പ്രദാർശനത്തിനെത്തിയത്. പ്രമുഖ പ്ലാറ്റ്‍ഫോം ആയ സീ 5 ലൂടെയാണ് ചിത്രം സ്ട്രീമിംഗ് ചെയ്യുന്നത്. ഏപ്രില്‍ 18 ന് പ്രദര്‍ശനം തുടങ്ങും. ചിത്രത്തിന്റെ മലയാളം പതിപ്പ് മാത്രമാണ് ഇപ്പോൾ പ്രദർശനത്തിനെത്തുക. ആന്റണി വർ​ഗീസ് ആണ് ചിത്രത്തിൽ നായകനായെത്തുന്നത്. കാര്യമായ മേക്കോവറോടെയാണ് ആന്‍റണി വര്‍ഗീസ് ഈ ചിത്രത്തിലെ ആഷിക് അബു എന്ന കഥാപാത്രത്തെ അവതരിപ്പിച്ചത്. സെഞ്ചുറി മാക്സ് ജോണ്‍ മേരി പ്രൊഡക്ഷന്‍സ് എല്‍എല്‍പിയുടെ ബാനറിലെത്തുന്ന ചിത്രം നിര്‍മ്മിച്ചിരിക്കുന്നത് അവര്‍ക്കൊപ്പം പനോരമ സ്റ്റുഡിയോസ്, എബി അലക്സ് എബ്രഹാം, ടോം ജോസഫ് എന്നിവരും ചേര്‍ന്നാണ്. ആന്‍റണി വര്‍ഗീസിനൊപ്പം ലിജോമോള്‍ ജോസ്, വിജയരാഘവന്‍, മോ ഇസ്മയില്‍, സൈജു കുറുപ്പ്, അജു വര്‍ഗീസ്, ജെസ് കുക്കു, കിച്ചു ടെല്ലസ്, വിനീത് തട്ടില്‍, അച്ചു ബേബി ജോണ്‍, അന്ന രാജന്‍ തുടങ്ങിയവരും പ്രധാന വേഷങ്ങൾ കെെകാര്യം ചെയ്യുന്നുണ്ട്. ചിത്രത്തിന്റെ ഛായാഗ്രഹണം സാലു കെ തോമസ്, എഡിറ്റിംഗ് രാകേഷ് ചെറുമഠം, ആക്ഷന്‍ കൊറിയോഗ്രഫി പി സി സ്റ്റണ്ട്സ്, സൗണ്ട് ഡിസൈന്‍ രംഗനാഥ് രവി, ടീസര്‍ കട്ട് ലിന്‍റോ കുര്യന്‍, പ്രൊഡക്ഷന്‍ ഡിസൈന്‍ രാജേഷ് പി വേലായുധന്‍, വസ്ത്രാലങ്കാരം മെര്‍ലിന്‍ ലിസബത്ത്, പ്രദീപ് കടക്കാശ്ശേരി, മേക്കപ്പ് അര്‍ഷാദ് വര്‍ക്കല, സൗണ്ട് മിക്സിംഗ് കണ്ണന്‍ ഗണ്‍പത്, പ്രൊഡക്ഷന്‍ കണ്‍ട്രോളര്‍ നോബിള്‍ ജേക്കബ്, ലൈന്‍ പ്രൊഡ്യൂസര്‍ ഫെബി സ്റ്റാലിന്‍, ചീഫ് അസോസിയേറ്റ് ഡയറക്ടര്‍ സുജിന്‍ സുജാതന്‍.

seema.g.nair--empuraan
Television

എമ്പുരാന്‍ ചീത്തവിളി ബാധിക്കില്ലെന്ന് സീമ.ജി.നായര്‍; തട്ടുകട നടത്തിയാലും ജീവിക്കുമെന്ന് നടി

എമ്പുരാന്‍ സിനിമയ്ക്ക് കട്ട സപ്പോര്‍ട്ടാണ് സീമ.ജി.നായര്‍ നല്‍കിയത്. ഇതോടെ നടി സൈബര്‍ ആക്രമണങ്ങള്‍ക്ക് ഇരയായി. കടുത്ത സൈബര്‍ ആക്രമണം നേരിടുമ്പോള്‍ പ്രതികരണവുമായി എത്തിയിരിക്കുകയാണ് സീമ. “സൈബര്‍ ആക്രമണം തന്നെ ബാധിക്കില്ലെന്നാണ് സീമ പറയുന്നത്. ചീത്ത പറയണം എന്ന് നിര്‍ബന്ധമുള്ളവര്‍ പറഞ്ഞുകൊണ്ടേ ഇരിക്കുക. മടുക്കുന്നതു വരെ പറയുക.” സീമ പറഞ്ഞു. “സിനിമയും സീരിയലും ഇല്ലെങ്കില്‍ തട്ടുകട നടത്തും. ജീവിക്കാന്‍ അതുമതി. സപ്രമഞ്ച കട്ടിലിൽ ഇരുന്ന് ഊഞ്ഞാലാടിക്കോളാം എന്ന് ആർക്കും വാക്ക് കൊടുത്തിട്ടില്ല.” സീമ കൂട്ടിച്ചേര്‍ക്കുന്നു.

Television

പ്രചരിക്കുന്ന നഗ്ന വീഡിയോ എഐ നിര്‍മിതി എന്ന് നടി; ലിങ്കുകള്‍ ചോദിക്കുന്നത് നിര്‍ത്തൂ എന്ന് അപേക്ഷ

സോഷ്യല്‍ മീഡിയയില്‍ പ്രചരിച്ച തന്റെ നഗ്ന വീഡിയോ വ്യാജമെന്ന് തമിഴ് സീരിയല്‍ നടി. എഐ ഉപയോഗിച്ച് ചെയ്ത വീഡിയോ ആണിതെന്നാണ് നടിയുടെ പ്രതികരണം. എഐ ഉപയോഗിച്ച് വീഡിയോ ചിത്രീകരിക്കുന്ന ട്യൂട്ടോറിയലും നടി പങ്കുവെച്ചിരുന്നു. ഞാനും ഒരു പെണ്‍കുട്ടിയാണ് എന്നത് കണക്കിലെടുക്കണം. എല്ലാം കാട്ടുതീ പോലെ പ്രച്ചരിപ്പിക്കരുതെന്നാണ് നടി ആവശ്യപ്പെട്ടത്. ഇത്തരം വീഡിയോ പ്രചരിപ്പിക്കുന്നത് അവസാനിപ്പിക്കൂ. വീഡിയോയുടെ ലിങ്കുകള്‍ ചോദിക്കുന്നത് നികര്‍ത്തൂ എന്നും നടി ആവശ്യപ്പെട്ടിട്ടുണ്ട്. ഈയിടെയാണ് നടിയുടേത് എന്ന് പറഞ്ഞ് നഗ്നവീഡിയോകള്‍ പ്രചരിപ്പിച്ചത്. ഓഡിഷനെന്ന പേരില്‍ ചിലര്‍ സ്വകാര്യരംഗങ്ങള്‍ അഭിനയിക്കാന്‍ ആവശ്യപ്പെട്ടിരുന്നു. ഇതില്‍ നടി അഭിനയിച്ച രംഗങ്ങള്‍ ആണ് റെക്കോഡ് ചെയ്ത് പ്രചരിപ്പിച്ചതെന്നാണ് റിപ്പോര്‍ട്ടുകള്‍ വന്നത്.

Television

എന്തുകൊണ്ട് സുജിത്ത് വാസുദേവുമായി അകന്നു; വെളിപ്പെടുത്തി മഞ്ജു പിള്ള

നടി മഞ്ജു പിള്ള സിനിമാ-ടെലിവിഷൻ രം​ഗങ്ങളില്‍ ഒരുപോലെ തിളങ്ങുന്ന താരമാണ്. ഭര്‍ത്താവ് സുജിത്ത് വാസുദേവുമായി പിരിഞ്ഞതിനെക്കുറിച്ച് തുറന്ന് സംസാരിക്കുകയാണ് മഞ്ജു പിള്ള. ഹാപ്പിയായി സന്തോഷത്തോടെ കൈ കൊടുത്ത് പിരിഞ്ഞവരാണ് എന്നാണ് മഞ്ജു പറയുന്നത്. “എനിക്ക് രണ്ട് പേരും വേണമെന്നാണ് മകള്‍ പറഞ്ഞത്. എന്റെ മകളുടെ അച്ഛനാണ്. എനിക്കത് മറക്കാൻ പറ്റില്ല. തിരിച്ച് സുജിത്തും ആ ബഹുമാനം തരുന്നുണ്ട്. ഒരിക്കലും ഞങ്ങൾ അടിച്ച് പിരിഞ്ഞതല്ല. ഇപ്പോഴും ഞങ്ങൾ നല്ല സുഹൃത്തുക്കളാണ്. കോമൺ ഫ്രണ്ട്സ് ഇപ്പോഴുമുണ്ട്. ഫാമിലി വളരെ അടുപ്പമാണ്. എന്റെ അമ്മയും സുജിത്തിന്റെ അമ്മയും ഇപ്പോഴും ആഴ്ചയിൽ ഒരിക്കൽ ഫോൺ ചെയ്യും. താൻ ദിവസേനയെന്നോണം വിളിക്കാറുണ്ട്.”- മഞ്ജു പിള്ള പറയുന്നു. “വേര്‍പിരിയില്‍ ഞങ്ങളുടെ പേഴ്സണൽ കാര്യമാണ്. കുടുംബ ജീവിതത്തേക്കാൾ പ്രിയം സുജിത്തിന് സിനിമാ ജീവിതമായിരുന്നു. ആദ്യം ക്യാമറമാൻ, പിന്നെ ഭർത്താവ്, പിന്നെ അച്ഛൻ എന്നാണ് സുജിത്തിനെക്കുറിച്ച് ഞാൻ പറഞ്ഞിരുന്നത്. ക്യാമറ എന്നത് പുള്ളിയുടെ ശ്വാസമാണ്. അത് വിട്ടിട്ട് ഒരും കളിയും സുജിത്തിന് ഇല്ല.” മഞ്ജു പിള്ള പറഞ്ഞു.

Television

‘ദത്ത് എടുക്കാത്തതിന്റെ കാരണം തുറന്ന് പറഞ്ഞ് സുധാ ചന്ദ്രൻ

മുഖവുര ആവശ്യമില്ലാത്ത നടിയാണ് സുധാ ചന്ദ്രന്‍. ടെലിവിഷൻ രം​ഗത്താണ് സുധാ ചന്ദ്രൻ കൂടുതൽ ശ്രദ്ധിക്കപ്പെട്ടത്. നൃത്തത്തിലൂടെയാണ് ശ്രദ്ധ പിടിച്ചുപറ്റിയത്. വാഹനാപകടത്തിൽ പരിക്കേറ്റ് കാൽ മുറിച്ച് മാറ്റേണ്ടി വന്നപ്പോഴും സുധ ചന്ദ്രൻ കൃതിമ കാലുകളുമായി നൃത്തരംഗത്ത് തന്നെ തുടര്‍ന്നു. രവി ദം​ഗാണ് ഭര്‍ത്താവ്. വിവാഹത്തെക്കുറിച്ചും ജീവിതത്തെക്കുറിച്ചും പറഞ്ഞതാണ് ഇപ്പോള്‍ വാര്‍ത്തയാകുന്നത്. “ഞാൻ നായികയായ സിനിമയിൽ രവി അസിസ്റ്റന്റ് ഡയറക്ട‌റായിരുന്നു. അങ്ങനെയാണ് അടുപ്പം വന്നത്. രവി, നീയെന്നെ വിവാഹം ചെയ്യുമോ എന്ന് ചോദിച്ചു. എനിക്ക് കുറച്ച് സമയം തരൂ എന്നാണ് പറഞ്ഞത്. എന്നാല്‍ വെറും രണ്ട് ദിവസത്തിനുള്ളിൽ വിവാഹം നടന്നു. വിവാഹസാരിയും ബ്ലൗസും ആഭരണങ്ങളും കടം വാങ്ങിയതായിരുന്നു. വിവാഹം കഴിഞ്ഞ് അതേ ദിവസം ഫ്ലൈറ്റില്‍ ചെന്നൈയിലേക്ക് വന്നു. പിറ്റെന്ന് എനിക്ക് പെർഫോമൻസുണ്ടായിരുന്നു. അതായിരുന്നു എന്റെ ജീവിതം.” കുട്ടികളില്ലാത്തതിനെക്കുറിച്ച് ഇപ്പോഴും ചോദ്യങ്ങൾ വരാറുണ്ട്. കുട്ടികളില്ലെന്ന് പറഞ്ഞാൽ സഹതപിക്കും. എനിക്ക് മക്കളില്ലാത്തതിന് നിങ്ങളെന്തിനാണ് ഇത്ര വിഷമിക്കുന്നത്, ഞങ്ങൾ സന്തോഷത്തോടെയാണ് കഴിയുന്നതെന്ന് ഞാൻ പറയും. എന്തുകൊണ്ട് ദത്തെടുത്തില്ലെന്ന് പലരും ചോദിക്കും. എനിക്കും ഭർത്താവിനും അതിന് സമ്മതമല്ലായിരുന്നു. ” – സുധാ ചന്ദ്രന്‍ പറഞ്ഞു.

OTT

‘ചാവ’ നേടിയത് 700 കോടിയിലധികം; ഇനി ഒടിടി റിലീസ്

വിക്കി കൗശലിന്റെ ആക്ഷൻ ചിത്രമായ ‘ചാവ’ 2025-ൽ ഏറ്റവും കൂടുതൽ കളക്ഷൻ നേടിയ ചിത്രമാണ്. ലക്ഷ്മൺ ഉടേക്കർ സംവിധാനം ചെയ്ത ചാവ 2025 ഫെബ്രുവരി 14 ന് ഹിന്ദിയിൽ ആദ്യം റിലീസ് ചെയ്തു, പിന്നീട് തെലുങ്ക് പതിപ്പും പുറത്തിറങ്ങി. റിലീസ് ചെയ്ത് ഏകദേശം രണ്ട് മാസത്തിന് ശേഷവും ചിത്രം വരുമാനത്തില്‍ മുന്നിലാണ്. ആഗോളതലത്തിൽ 700 കോടിയിലധികം കളക്ഷന്‍ നേടിയിട്ടുണ്ട്. തിയേറ്റർ റിലീസ് ചെയ്ത് ഏകദേശം 45 ദിവസത്തിന് ശേഷം നെറ്റ്ഫ്ലിക്സിൽ ‘ചാവ’ പ്രദർശനത്തിനെത്തുമെന്നാണ് സൂചന. ഏപ്രിൽ 11 മുതൽ ചിത്രം സ്ട്രീമിംഗിനായി ലഭ്യമാകുമെന്നാണ് പുറത്തുവന്ന വാര്‍ത്ത. .

OTT

ഒടിടി റിലീസ് ചിത്രങ്ങള്‍; പുതിയ ലിസ്റ്റ് ഇങ്ങനെ

റോഷൻ ആൻഡ്രൂസ് സംവിധാനം ചെയ്ത ദേവയിൽ ഷാഹിദ് കപൂർ , പൂജ ഹെഗ്‌ഡെ, പവൈൽ ഗുലാത്തി, കുബ്ര സെയ്ത് എന്നിവർ അഭിനയിക്കുന്നു. മാർച്ച് 28 ന് നെറ്റ്ഫ്ലിക്സില്‍ റിലീസ് ആയിട്ടുണ്ട്‌. 2013 ലെ മലയാള ചിത്രമായ മുംബൈ പോലീസിന്റെ റീമേക്ക് ആണിത്. സിംഹ രാജാവ് മാർച്ച് 26ന് റിലീസ് ആയിട്ടുണ്ട്‌. ജിയോഹോട്ട്‌സ്റ്റാറില്‍ ആണ് റിലീസ്. : ടാൻസാനിയയിലെ പ്രൈഡ് ലാൻഡ്‌സിൽ നടക്കുന്ന ഈ ഹൃദയസ്പർശിയായ കഥയിൽ മുഫാസയ്ക്ക് ഷാരൂഖ് ഖാൻ ശബ്ദം നൽകുന്നു. അനുഷ്ക സെൻ നയിക്കുന്ന കിൽ ഡിൽ ആമസോണില്‍ ആണ് റിലീസ്. മാർച്ച് 28ന് റിലീസ് ആയിട്ടുണ്ട്‌. സഹോദരിയുടെ തിരോധാനത്തിന് പിന്നിലെ സത്യം കണ്ടെത്താനുള്ള കിഷയുടെ യാത്രയെക്കുറിച്ചുള്ള ഒരു മിസ്റ്ററി ത്രില്ലറാണ് സിനിമ. വിടുതലൈ ഭാഗം 2 മാർച്ച് 28 ന് സീ ഫൈവില്‍ ആണ് റിലീസ് ആയത്. ഒരു വിപ്ലവകാരിയെ പിടികൂടാനുള്ള ദൗത്യത്തിൽ ഏർപ്പെട്ടിരിക്കുന്ന ഒരു പോലീസ് കോൺസ്റ്റബിളിന്റെ കഥയാണിത്‌. ചിത്രത്തിൽ വിജയ് സേതുപതിയും സൂരിയും അഭിനയിക്കുന്നു.

OTT

മീരയോടുള്ള ഇഷ്ടം കുറയില്ലെന്ന് നെറ്റ്ഫ്ലിക്സ്; ടെസ്റ്റ് ഏപ്രിൽ 21ന് എത്തും

മാധവൻ-നയന്‍താരയും ഒന്നിക്കുന്ന ‘ടെസ്റ്റ്’ നേരിട്ട് ഒടിടിയിലേക്ക് എത്തുകയാണ്. നെറ്റ്ഫ്ളിക്സില്‍ ആണ് എത്തുന്നത്. മാധവൻ, നയൻതാര, സിദ്ധാർത്ഥ് എന്നിവരുള്ള പോസ്റ്റർ പുറത്തുവിട്ടതിന് പിന്നാലെ ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്ന മീരയുടെ ലൊക്കേഷൻ സ്റ്റിൽസ് ആണ് ഇപ്പോള്‍നെറ്റ്ഫ്ളിക്സ് ഷെയർ ചെയ്തിരിക്കുന്നത്. ‘ചില കാര്യങ്ങൾ മാറുന്നു, പക്ഷേ മീര ജാസ്മിനോടുള്ള നമ്മുടെ സ്നേഹം? ഒരിക്കലുമില്ല,” എന്നാണ് അടിക്കുറിപ്പ്. ക്രിക്കറ്റ് കളിക്കാരനായാണ്‌ സിദ്ധാർത്ഥ് എത്തുന്നത്, മാധവൻ പരിശീലകനായാണ് എത്തുന്നത്. ക്രിക്കറ്റ് മൈതാനവും മൂന്ന് ജീവിതങ്ങളുമാണ് ചിത്രത്തിന്റെ പ്രമേയം.

OTT

13 കാരന്‍ കൊലപാതകി; ഞെട്ടിച്ച് നെറ്റ്ഫ്ലിക്സില്‍ ‘അഡോളസെൻസ്’

കൗമാരക്കാരന്‍ സഹപാഠിയായ പെണ്‍കുട്ടിയെ കൊലപ്പെടുത്തുന്നതിന്റെ കഥയാണ് നെറ്റ്ഫ്ലിക്സിലെ വെബ് സീരീസായ ‘അഡോളസെൻസ്’ പറയുന്നത്. ഈ കൊലപാതകത്തെ ചുറ്റിപ്പറ്റിപ്പോകുന്ന സൈക്കളോജിക്കൽ ത്രില്ലറാണ് ‘അഡോളസെൻസ്’. യുകെയിലെ ഒരു വീട്ടിലേക്ക് പോലീസ് കയറി മാതാപിതാക്കളുടെ മുന്നില്‍ നിന്നും 13കാരനായ ജെയ്‌മി മില്ലറെ അറസ്റ്റ് ചെയ്യുകയാണ്. താന്‍ ഒരു തെറ്റും ചെയ്തിട്ടില്ലെന്നും പറഞ്ഞിട്ടും പോലീസുകാര്‍ കുട്ടിയെ കസ്റ്റഡിയില്‍ എടുക്കുകയാണ്. ജെയ്‌മി മില്ലർ പെണ്‍കുട്ടിയെ കൊല്ലുന്നതിന്റെ വീഡിയോ ആയാണ് പോലീസ് കുട്ടിയെ ചോദ്യം ചെയ്യുന്നത്. കൊലയ്ക്ക് പിന്നിലെ കാരണമാണ് പോലീസ് അന്വേഷിക്കുന്നത്. കാത്തി ജെയ്മിയുടെ ആണത്തത്തെ ചോദ്യം ചെയ്യുന്ന കമന്റുകൾ പബ്ലിക്കായി ഇടുന്നത് ജെയ്‌മിയെ ക്ഷോഭാകുലനാക്കിയിരുന്നു. ഇതെല്ലാമാണ് കൊലപാതകത്തിലെത്തുന്നത്. സോഷ്യല്‍ മീഡിയയില്‍ മുഴുകി വഴിതെറ്റിപ്പോകുന്ന കൗമാരക്കാരന്റെ കഥ നെറ്റ്ഫ്ലിക്സില്‍ ഹിറ്റായാണ് മാറിയത്.

ENTERTAINMENT, Movies

പ്രണയബന്ധങ്ങളില്‍ തനിക്ക് തെറ്റുകള്‍ പറ്റിയിട്ടുണ്ടെന്ന് നടി സെലീന ഗോമസ്

അമേരിക്കന്‍ നടിയും ഗായികയുമായ സെലീന ഗോമസിന്റെ തുറന്നു പറച്ചില്‍ ശ്രദ്ധേയമാകുന്നു. ഈയിടെയാണ് നിര്‍മാതാവായ ബെന്നി ബ്ലാങ്കോയും തമ്മിലുള്ള വിവാഹനിശ്ചയം കഴിഞ്ഞത്. തന്റെ മുന്‍കാലപ്രണയബന്ധങ്ങളേക്കുറിച്ചും താന്‍ കടന്നുപോയ മാനസികാവസ്ഥയേക്കുറിച്ചും തുറന്നുപറഞ്ഞിരിക്കുകയാണ് സെലീന ഗോമസ്. ജയ് ഷെട്ടീസ് പോഡ്കാസ്റ്റിലൂടെയായിരുന്നു താരത്തിന്റെ പ്രതികരണം. ബെന്നി ബ്ലാങ്കോ തന്റെ ജീവിതത്തിലേക്ക് വന്നതിനുശേഷം ജീവിതത്തില്‍ ഒട്ടേറെ നല്ല മാറ്റങ്ങള്‍ സംഭവിച്ചെന്നും സെലീന കൂട്ടിച്ചേര്‍ത്തു. തന്റെ വികാരങ്ങളെ എപ്പോഴും ബെന്നി മാനിക്കാറുണ്ടെന്നും സെലീന വ്യക്തമാക്കി. മുന്‍കാല പ്രണയബന്ധങ്ങളില്‍ തനിക്ക് തെറ്റുകള്‍ പറ്റിയിട്ടുണ്ടെന്നും പല കാര്യങ്ങള്‍ അതിലൂടെ പഠിച്ചെന്നും സെലീന ഗോമസ് പറയുന്നു. ” പ്രണയബന്ധങ്ങള്‍ തകര്‍ന്നപ്പോള്‍ എനിക്ക് വളരെയധികം കുറ്റബോധം തോന്നിയിട്ടുണ്ട്. ഞാന്‍ എന്നേപ്പറ്റി മാത്രമാണ് ആ സമയങ്ങളില്‍ ചിന്തിച്ചിരുന്നത്, പല സാഹചര്യങ്ങളിലും ഞാന്‍ ആവശ്യമില്ലാതെ പ്രതികരിച്ചു. എനിക്ക് എന്നേത്തന്നെ നിയന്ത്രിക്കേണ്ടത് ആവശ്യമായിരുന്നു. അങ്ങനെ അഞ്ചുവര്‍ഷ കാലത്തോളം ഞാന്‍ ഒറ്റയ്ക്കായിരുന്നു”, സെലീന പോഡ്കാസ്റ്റില്‍ പ്രതികരിച്ചു.

Scroll to Top